|    Jan 16 Mon, 2017 6:26 pm

മുഖ്യമന്ത്രി ഹരജി നല്‍കിയത് കപട മനസ്സാക്ഷിയെ സംരക്ഷിക്കാന്‍: വി എസ്

Published : 29th April 2016 | Posted By: SMR

തിരുവനന്തപുരം: തന്റെ പ്രസംഗം തടസ്സപ്പെടുത്തണമെന്നാവശ്യപ്പെട്ട് മുഖ്യമന്ത്രി ഉമ്മന്‍ചാണ്ടി തിരുവനന്തപുരം ജില്ലാ കോടതിയുടെ വെക്കേഷന്‍ ബെഞ്ച് മുമ്പാകെ ഹരജി ഫയല്‍ ചെയ്തത് തന്റെ പ്രസംഗത്തിലൂടെ വിവസ്ത്രമാക്കപ്പെടുന്ന ഉമ്മന്‍ചാണ്ടിയുടെ ‘കപടമനസ്സാക്ഷി’യെ സംരക്ഷിക്കാനാണെന്ന് പ്രതിപക്ഷനേതാവ് വിഎസ് അച്യുതാനന്ദന്‍ പ്രസ്താവനയില്‍ പറഞ്ഞു.
താന്‍ നടത്തുന്ന പ്രസംഗങ്ങള്‍ തടയണമെന്നാവശ്യപ്പെട്ടുകൊണ്ട് തിരുവനന്തപുരം ജില്ലാ കോടതിയില്‍ മുഖ്യമന്ത്രി ഉമ്മന്‍ചാണ്ടി ഫയല്‍ ചെയ്ത ഐഎ 1191/2016 എന്ന കേസ് നാളെ വിചാരണയ്ക്കു വരുകയാണ്. മുന്‍സിഫ് കോടതികള്‍ അവധിയായതിനാല്‍ ജില്ലാകോടതിയുടെ വെക്കേഷന്‍ ബെഞ്ചിലാണ് കേസ് ഫയല്‍ ചെയ്തിരിക്കുന്നത്. മുഖ്യമന്ത്രിയും കൂട്ടരും നടത്തിയിട്ടുള്ള കൊടിയ അഴിമതികള്‍ പുറത്തുകൊണ്ടുവരുക തന്നെ ചെയ്യും. അതിന് തടയിടാന്‍ വേണ്ടി തന്റെ നാവു ബന്ധിക്കാമെന്ന് കരുതുന്ന ഉമ്മന്‍ചാണ്ടി വിഡ്ഢികളുടെ സ്വര്‍ഗത്തിലാണെന്നും വിഎസ് പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 32 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക