|    Dec 16 Sat, 2017 2:50 pm
FLASH NEWS

മുഖ്യമന്ത്രി തീരദേശം സന്ദര്‍ശിക്കണം: എസ്ഡിപിഐ

Published : 4th December 2017 | Posted By: kasim kzm

കോഴിക്കോട്: ജില്ലയിലെ തീരദേശ മേഖലയില്‍ സുരക്ഷാ സംവിധാനം അപര്യാപ്തമാണെന്നും ജനങ്ങളുടെ ഭീതിയകറ്റാന്‍ മുഖ്യമന്ത്രി തീരദേശം സന്ദര്‍ശിക്കണമെന്നും എസ്ഡിപിഐ ജില്ലാ പ്രസിഡന്റ് മുസ്തഫ കൊമ്മേരി ആവശ്യപ്പെട്ടു. ജില്ലയിലെ ചാലിയം, ബേപ്പൂര്‍, മാറാട്, കപ്പക്കല്‍, കോയ വളപ്പ്, ചാമുണ്ടിവളപ്പ്, വെള്ളയില്‍, പുതിയാപ്പ,  കാപ്പാട്, തിക്കോടി, വടകര, ചോമ്പാല, അഴിത്തല തുടങ്ങിയ തീരദേശങ്ങളില്‍ ആവശ്യമായ സുരക്ഷയില്ല.
വെള്ളയില്‍ ഹാര്‍ബര്‍ പരിസരത്ത് യാതൊരു സുരക്ഷാ മാനദണ്ഡവും പാലിക്കാതെയുള്ള നിര്‍മാണ പ്രവര്‍ത്തനങ്ങളാണ് നടന്നത്. ഈ പ്രദേശത്തെ ജനങ്ങള്‍ ആശങ്കയിലാണ്. ജില്ലയുടെ പല തീരദേശ മേഖലകളിലും ആവശ്യമായ സുരക്ഷാ സംവിധാനങ്ങളൊരുക്കിയില്ല. ഈ കാര്യത്തില്‍ ജനപ്രതിനിധികളും ജില്ലാ ഭരണകൂടവും വേണ്ടത്ര സൂക്ഷമത പാലിക്കുന്നില്ലെന്നും അദ്ദേഹം പറഞ്ഞു.അതുകൊണ്ട് മുഖ്യമന്ത്രിയുടെ അടിയന്തര സന്ദര്‍ശനം നടക്കണം എന്നും അദ്ദേഹം ആവശ്യപ്പെട്ടു. കടല്‍ക്ഷോഭം മൂലം പ്രയാസം അനുഭവിക്കുന്ന ജില്ലയുടെ വിവിധ തീരപ്രദേശങ്ങളില്‍  ജില്ലാ പ്രസിഡന്റ് മുസ്തഫ കൊമ്മേരി, സെക്രട്ടറി സാലിം അഴിയൂര്‍, ജില്ലാ കമ്മിറ്റി അംഗങ്ങളായ റഊഫ് കുറ്റിച്ചിറ, ഗഫൂര്‍ വെള്ളയില്‍, കബീര്‍ തിക്കോടി, നൗഷീര്‍ പി പി സന്ദര്‍ശിച്ചു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക