|    Nov 14 Wed, 2018 2:32 am
FLASH NEWS

മുഖ്യമന്ത്രിയുടെ ജയില്‍ സന്ദര്‍ശനം: പ്രതികളോടുള്ള ബന്ധം കൂടുതല്‍ വ്യക്തമായി-എന്‍ വേണു

Published : 2nd July 2018 | Posted By: kasim kzm

വടകര: മുഖ്യമന്ത്രി പിണറായി വിജയന്‍ കണ്ണൂര്‍ സെന്‍ട്രല്‍ ജയില്‍ സന്ദര്‍ശനത്തിനിടയില്‍ ടിപി കേസ് പ്രതികളായ കെസി രാമചന്ദ്രന്‍, ടികെ രജീഷ് എന്നിവരുമായി പ്രത്യേക കൂടിക്കാഴ്ച നടത്തിയത് വഴി പ്രതികളുമായി അദ്ദേഹത്തിനുള്ള ദൃഢമായ ബന്ധം കൂടുതല്‍ വ്യക്തമാക്കപ്പെട്ടിരിക്കുകയാണെന്ന് ആര്‍എംപിഐ സംസ്ഥാന സെക്രട്ടറി എന്‍ വേണു പ്രസ്ഥാവനയില്‍ പറഞ്ഞു.
സിപിഎം ഉന്നത നേതാക്കള്‍ക്ക് ടിപി വധത്തില്‍ പങ്കുണ്ടെന്നും അതു കണ്ടെത്താന്‍ സിബിഐ അന്വേഷണം ആവശ്യപ്പെട്ട് ഹൈക്കോടതിയില്‍ കേസ് നിലനില്‍ക്കുന്ന സമയത്തെ മുഖ്യമന്ത്രിയുടെ കൂടിക്കാഴ്ച ഗൗരവം വര്‍ദ്ധിപ്പിക്കുകയാണ് കുഞ്ഞനന്തന്‍ വേണ്ടപ്പെട്ടവനാണെന്ന പരസ്യനിലപാട് സ്വീകരിക്കുകയും പിന്നീട് ശിക്ഷായിളവ് ചെയ്തു ജയിലില്‍ നിന്നു തുറന്നു വിടാനുള്ള നീക്കവും പ്രതികളുമായി മുഖ്യമന്ത്രി ഉള്‍പ്പെടെയുള്ള നേതാക്കളുടെ ബന്ധത്തിന്റെ ഭാഗം തന്നെയായിരുന്നു.
പാര്‍ട്ടി അന്വേഷണത്തില്‍ കൊലപാതകത്തിന്റെ മുഖ്യ ആസൂത്രകനെന്ന് കണ്ടെത്തുകയും പാര്‍ട്ടി പുറത്താക്കി എന്ന് പുറമേ പ്രചരണം നടത്തുകയും ചെയ്ത രാമചന്ദ്രനുള്‍പ്പെടെയുള്ള കൊടും ക്രിമിനലുകളുമായി പ്രത്യേക ചര്‍ച്ച നടത്തിയത് പൊതുസമൂഹത്തോടുള്ള മുഖ്യമന്ത്രിയുടെ വെല്ലുവിളിയാണെന്നും പ്രതികള്‍ക്ക് ചട്ടവിരുദ്ധ പരോള്‍ അനുവദിക്കാനുള്ള നീക്കത്തെ നിയമപരമായി നേരിടുമെന്നും എന്‍ വേണു പ്രസ്ഥാവനയില്‍ പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss