|    Jun 23 Sat, 2018 2:08 pm
FLASH NEWS
Home   >  Todays Paper  >  Page 1  >  

മുകുന്ദന്‍ സി മേനോന്‍ അവാര്‍ഡ് ഒ അബ്ദുല്ലയ്ക്ക്‌

Published : 11th February 2018 | Posted By: kasim kzm

കോഴിക്കോട്: പ്രമുഖ പത്രപ്രവര്‍ത്തകനും എഴുത്തുകാരനും മനുഷ്യാവകാശ പ്രവര്‍ത്തകനുമായിരുന്ന മുകുന്ദന്‍ സി മേനോന്റെ പേരില്‍ ദേശീയ മനുഷ്യാവകാശ ഏകോപന സമിതി (എന്‍സിഎച്ച്ആര്‍ഒ) ഏര്‍പ്പെടുത്തിയ അവാര്‍ഡ് ഈ വര്‍ഷം പ്രശസ്ത പത്രപ്രവര്‍ത്തകനും എഴുത്തുകാരനും കോളമിസ്റ്റുമായ ഒ അബ്ദുല്ലയ്ക്ക് നല്‍കും. 25,000 രൂപയും പ്രശംസാപത്രവും അടങ്ങിയതാണ് അവാര്‍ഡ്.  രാജ്യത്തിന്റെ വിവിധ ഭാഗങ്ങളില്‍ നിന്നു ലഭിച്ച നാമനിര്‍ദേശങ്ങളുടെ അടിസ്ഥാനത്തില്‍ പ്രഫ. എ മാര്‍ക്‌സ് (ചെന്നൈ), ഡോ. ജെ ദേവിക (തിരുവനന്തപുരം), സിവിക് ചന്ദ്രന്‍ (കോഴിക്കോട്), അഡ്വ. കെ പി മുഹമ്മദ് ശരീഫ് (മഞ്ചേരി), ഇ അബൂബക്കര്‍ (കോഴിക്കോട്), പ്രഫ. പി കോയ (കോഴിക്കോട്), റെനി ഐലിന്‍ (തിരുവനന്തപുരം), അഡ്വ. ഭവാനി മോഹന്‍ (ചെന്നൈ) തുടങ്ങിയവര്‍ അടങ്ങിയ ജൂറിയാണ് ഒ അബ്ദുല്ലയെ തിരഞ്ഞെടുത്തത്. ഒ അബ്ദുല്ല തന്റെ പ്രസംഗങ്ങളിലൂടെയും ലേഖനങ്ങളിലൂടെയും രാജ്യത്ത് മനുഷ്യാവകാശവും പൗരാവകാശവും സംരക്ഷിക്കുന്നതിനു നല്‍കിയ വിലപ്പെട്ട സേവനങ്ങള്‍ പരിഗണിച്ചാണ് അവാര്‍ഡെന്ന് എന്‍സിഎച്ച്ആര്‍ഒ അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss