|    Mar 24 Fri, 2017 3:33 am
FLASH NEWS

മുംബൈ ആക്രമണക്കേസ് ; പാക് പ്രോസിക്യൂഷന്‍ മേധാവിക്കുള്ള സുരക്ഷ പിന്‍വലിച്ചു

Published : 23rd February 2016 | Posted By: swapna en

ഇസ്‌ലാമാബാദ്: മുംബൈ ആക്രമണക്കേസിലെ പ്രോസിക്യൂഷന്‍ മേധാവിക്കുള്ള സുരക്ഷാസംവിധാനം പാക് സര്‍ക്കാര്‍ പിന്‍വലിച്ചു. തുടര്‍ന്ന് വാദംകേള്‍ക്കാന്‍ കോടതിയില്‍ ഹാജരാകാന്‍ സാധിക്കില്ലെന്ന് പ്രോസിക്യൂഷന്‍ മേധാവി ചൗധ്‌രി അസ്ഹര്‍ അറിയിച്ചു. കേസില്‍ കാലതാമസം വരുത്തുന്നതിനുള്ള കൗശലമാണ് സര്‍ക്കാരിന്റെ നടപടിയെന്ന് ആരോപണമുണ്ട്. ഫെഡറല്‍ ഇന്‍വെസ്റ്റിഗേഷന്‍ ഏജന്‍സിയുടെ പ്രത്യേക പ്രോസിക്യൂട്ടര്‍ കൂടിയായ അസ്ഹറിന്റെ സുരക്ഷ പിന്‍വലിക്കുന്നതിന്റെ കാരണം സര്‍ക്കാര്‍ പുറത്തുവിട്ടിട്ടില്ല. തനിക്കുള്ള സുരക്ഷ സര്‍ക്കാര്‍ തിരിച്ചെടുത്തിരിക്കുകയാണ്. നിരവധി ഭീഷണികള്‍ തനിക്കെതിരേ ഉണ്ടാകുന്ന സാഹചര്യത്തില്‍ സുരക്ഷ പുനസ്ഥാപിക്കുന്നതുവരെ മുംബൈ കേസില്‍ വാദം കേള്‍ക്കില്ല- അസ്ഹര്‍ പറഞ്ഞു. 2013ലാണ് മുംബൈ ആക്രമണക്കേസിലെ പ്രോസിക്യൂഷന്‍ മേധാവിയായി അസ്ഹര്‍ ചുമതലയേറ്റത്.

(Visited 47 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക