|    Aug 15 Wed, 2018 7:52 pm
FLASH NEWS
Home   >  Sports  >  Cricket  >  

മുംബൈയെ വീഴ്ത്തി കര്‍ണാടക സെമിയില്‍

Published : 10th December 2017 | Posted By: vishnu vis

നാഗ്പൂര്‍:  41 തവണ ചാംപ്യന്‍മാരായ മുംബൈയെ ഇന്നിങ്‌സിനും 20 റണ്‍സിനും തകര്‍ത്ത് കര്‍ണാടക രഞ്ജി ട്രോഫിയുടെ സെമിയില്‍ പ്രവേശിച്ചു. ഈ സീസണില്‍ രഞ്ജിയില്‍ ആദ്യമായി സെമിയിലെത്തുന്ന ടീമാണ് കര്‍ണാടക. ടോസ് ജയിച്ച് ഫീല്‍ഡിങ് തിരഞ്ഞെടുത്ത കര്‍ണാടക മുംബൈയെ ബാറ്റിങിനയച്ചു.ആദ്യ ഇന്നിങ്‌സില്‍ മുന്‍ ഇന്ത്യന്‍ താരം വിനയ് കുമാറിന്റെ ആറു വിക്കറ്റ് പ്രകടന മികവില്‍  അവരെ 173 എന്ന ദയനീയ ടോട്ടലിലേക്ക് ഒതുക്കി. മൂന്നു പേര്‍ മാത്രം രണ്ടക്കം കടന്ന മുംബൈ നിരയില്‍ ദേശീയ താരം ധവാല്‍ കുല്‍ക്കര്‍ണിക്കും (75) അഖില്‍ ഹര്‍വദേക്കറിനും (32) മാത്രമാണ് അല്‍പമൊന്ന് പിടിച്ചു നില്‍ക്കാനായത്. മറുപടിക്കിറങ്ങിയ കര്‍ണാടക ശ്രേയസ് ഗോപാലിന്റെ (150*) സെഞ്ച്വറി പിന്‍ബലത്തില്‍ 570 റണ്‍സെടുത്തു. കര്‍ണാടകയ്ക്ക് വേണ്ടി മായങ്ക് അഗര്‍വാളും (78) ചിദംബരം ഗൗതമും (79) ശ്രീനാഥ് അരവിന്ദും (51) രവികുമാര്‍ സമര്‍ത്ഥും (40) കൗനൈന്‍ അബ്ബാസും (50) ക്യാപ്റ്റന്‍ വിനയ് കുമാറും(37) കൃഷ്ണപ്പ ഗൗതമും(38) തിളങ്ങി. ലീഡ് വഴങ്ങി രണ്ടാം ഇന്നിങിസില്‍ ഇറങ്ങിയ മുംബൈയുടെ പോരാട്ടം 337 റണ്‍സില്‍ അവസാനിച്ചപ്പോള്‍  കര്‍ണാടക രഞ്ജിയുടെ സെമിയില്‍ പ്രവേശിക്കുകയും ചെയ്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss