|    Aug 22 Wed, 2018 10:01 am
FLASH NEWS
Home   >  Todays Paper  >  page 7  >  

മുംബൈയില്‍ കനത്ത മഴ: ഓഫിസ് സമയം വെട്ടിക്കുറച്ചു

Published : 11th July 2018 | Posted By: kasim kzm

മുംബൈ: മുംബൈയില്‍ ജനജീവിതം ദുസ്സഹമാക്കി തുടര്‍ച്ചയായി നാലാംദിവസവും കനത്ത മഴ തുടരുന്നു. താഴ്ന്ന പ്രദേശങ്ങളില്‍ വെള്ളം കയറിയതിനെ തുടര്‍ന്ന് നഗരത്തിലെ ഗതാഗതം പലയിടത്തും സ്തംഭിച്ചിട്ടുണ്ട്. 77 വിമാനങ്ങള്‍ വൈകിയാണ് ഇറക്കിയത്. നഗരത്തിലെ ഘാട്‌കോപ്പറിലും വസായിയിലും പാലത്തില്‍ വിള്ളല്‍ കണ്ടതിനെ തുടര്‍ന്ന് ഗതാഗതം തടഞ്ഞിരിക്കുകയാണ്. അന്ധേരിയിലും റോഡ് ഗതാഗതം പൂര്‍ണമായും തടസ്സപ്പെട്ടു. തീവണ്ടികള്‍ വൈകിയാണ് ഓടുന്നത്.
മഴ ശക്തമായതോടെ ഭൂരിഭാഗം ഓഫിസുകളും പ്രവൃത്തിസമയം കുറച്ചു. ജനങ്ങള്‍ക്ക് ജാഗ്രതാനിര്‍ദേശം നല്‍കിയിട്ടുണ്ട്. വ്യാഴാഴ്ച വരെ ശക്തമായ മഴ ലഭിക്കുമെന്നാണ് കാലാവസ്ഥാ നിരീക്ഷണകേന്ദ്രം അറിയിച്ചത്. തിങ്കളാഴ്ച രാത്രി വരെ 200 മില്ലിമീറ്റര്‍ മഴയാണു പെയ്തത്. മഴയെത്തുടര്‍ന്നുള്ള അപകടങ്ങളില്‍ സംസ്ഥാനത്ത് ഈ വര്‍ഷം ഇതുവരെ 34 പേരാണു മരിച്ചത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss