|    Dec 14 Thu, 2017 10:05 am
FLASH NEWS

മീസില്‍സ് – റൂബെല്ല പ്രതിരോധ കുത്തിവയ്പ് രണ്ടാഴ്ച കൂടി നീട്ടും:ജില്ലാ വികസന സമിതി

Published : 29th October 2017 | Posted By: fsq

 

മലപ്പുറം: മീസില്‍സ്-റൂബല്ല പ്രതിരോധ കുത്തിവയ്പ് രണ്ടാഴ്ച കൂടി നീട്ടാന്‍ ജില്ലാ വികസനസമിതി യോഗത്തില്‍ തീരുമാനം. എംഎല്‍എമാരുമായി ചര്‍ച്ച ചെയ്ത് കുത്തിവയ്പിന് അനുകൂലമായ പ്രചാരണ പരിപാടികള്‍ സംഘടിപ്പിക്കും. സമൂഹ മാധ്യമങ്ങളിലൂടെ നടത്തുന്ന കുപ്രചാരണങ്ങളെ നേരിടാന്‍ കര്‍ശന നടപടി സ്വീകരിക്കും. സ്‌കൂളുകള്‍ കേന്ദ്രീകരിച്ച് കൂടുതല്‍ ബോധവല്‍കരണ പ്രവര്‍ത്തനങ്ങള്‍ നടത്തുമെന്നും ചടങ്ങില്‍ അധ്യക്ഷത വഹിച്ച കലക്ടര്‍ അമിത് മീണ പറഞ്ഞു. ജില്ലയിലെ വികസന പ്രവര്‍ത്തനങ്ങള്‍ കാര്യക്ഷമമാക്കാന്‍ വകുപ്പുതല ഏകോപനത്തിന് അടിയന്തര നടപടികള്‍ കൈക്കൊള്ളാനും യോഗം തീരുമാനിച്ചു. ലൈഫ് മിഷന്‍ യാഥാര്‍ഥ്യമാക്കാന്‍ ഇനിയും ഭൂമി കണ്ടെത്തേണ്ടതുണ്ട്. അനുയോജ്യമായ ഭൂമി കണ്ടെത്താന്‍ നടപടി സ്വീകരിക്കും. സ്വന്തമായി ഭൂമിയും കെട്ടിടവുമില്ലാത്ത അങ്കണവാടികള്‍ക്ക് ഭൂമി കണ്ടെത്താന്‍ ഐസിഡിഎസ് പ്രൊജക്ട് ഓഫിസര്‍ക്ക് നിര്‍ദേശം നല്‍കി. പദ്ധതി നിര്‍വഹണം കാര്യക്ഷമമാക്കാന്‍ നിലവില്‍ ഒഴിവുള്ള തസ്തികകള്‍ നികത്തണമെന്ന് എംഎല്‍എമാര്‍ യോഗത്തില്‍ ആവശ്യപ്പെട്ടു. എംഎല്‍എമാരായ ടി വി ഇബ്രാഹീം, ആബിദ് ഹുസൈന്‍ തങ്ങള്‍, പി അബ്ദുല്‍ ഹമീദ്, സി മമ്മൂട്ടി, പി ഉബൈദുല്ല, ജില്ലാ പഞ്ചായത്ത് പ്രസിഡന്റ് എ പി ഉണ്ണികൃഷ്ണന്‍, ജില്ലാ പ്ലാനിംങ് ഓഫിസര്‍ എന്‍ കെ ശ്രീലത തുടങ്ങിയവര്‍ പങ്കെടുത്തു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക