|    Nov 23 Thu, 2017 9:18 am
FLASH NEWS

മീസില്‍സ്- റുബെല്ല : 2,20,523 കുട്ടികള്‍ക്ക് പ്രതിരോധ കുത്തിവയ്പ് നല്‍കി

Published : 10th November 2017 | Posted By: fsq

 

കാസര്‍കോട്്: മീസില്‍സ് റുബെല്ലാ പ്രതിരോധ കുത്തിവെപ്പ് അവസാനിക്കുവാന്‍ ഒമ്പത് ദിവസംശേഷിക്കെ ജില്ലയിലിതുവരെ 2,20,523 കുട്ടികള്‍ക്ക് സുരക്ഷിതമായി പ്രതിരോധ കുത്തിവെപ്പ് നല്‍കി. 69 ശതമാനമാണ് ഇതുവരെ കുത്തിവെപ്പ് നല്‍കിയത്. നീലേശ്വരം ബ്ലോക്കില്‍ 87 ശതമാനവും പെരിയ ബ്ലോക്കില്‍ 81 ശതമാനവും പനത്തടി ബ്ലോക്കില്‍ 97 ശതമാനവും ബേഡഡുക്ക ബ്ലോക്കില്‍ 77 ശതമാനവും മുളിയാര്‍—— ബ്ലോക്കില്‍ 47 ശതമാനവും കുമ്പള ബ്ലോക്കില്‍ 50 ശതമാനവും മംഗല്‍പാടി ബ്ലോക്കില്‍ 42 ശതമാനവും കുട്ടിള്‍ക്ക് കുത്തിവെപ്പ് നല്‍കി. മീസില്‍സ്(അഞ്ചാം പനി), റുബെല്ലാ എന്നീ രോഗങ്ങള്‍ സമൂഹത്തില്‍ നിന്നും പൂര്‍ണമായും ഇല്ലാതാക്കണമെങ്കില്‍ എല്ലാ കുട്ടികള്‍ക്കും വാക്‌സിനേഷന്‍ നല്‍കണമെന്ന് ജില്ലാ മെഡിക്കല്‍ ഓഫിസര്‍ അറിയിച്ചു. മുഴുവന്‍ കുട്ടികള്‍ക്കും  കുത്തിവെപ്പ് എടുക്കാതിരുന്നാല്‍ ഈ രോഗങ്ങള്‍ സമൂഹത്തില്‍ നിലനില്‍ക്കുകയും വാക്‌സിനേഷന്‍ എടുക്കാത്ത കുട്ടികള്‍ക്ക് പെട്ടെന്ന് രോഗം പിടിപെടാനുള്ള സാധ്യതയുമുണ്ട്.  കാസര്‍കോട് മുനിസിപ്പല്‍ കോണ്‍ഫറന്‍സ് ഹാളില്‍ ഇന്ന് ഉച്ചകഴിഞ്ഞ് മൂന്നിന് നടക്കുന്ന യോഗത്തില്‍ വിവിധ തുറകളിലുള്ളവര്‍ സംബന്ധിക്കും.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക