|    Nov 13 Tue, 2018 1:40 am
FLASH NEWS
Home   >  Todays Paper  >  page 7  >  

‘മീശ’ പ്രസിദ്ധീകരിക്കാന്‍ തയ്യാര്‍: ചെന്നിത്തല

Published : 23rd July 2018 | Posted By: kasim kzm

ന്യൂഡല്‍ഹി: സംഘപരിവാര ഭീഷണിയെ തുടര്‍ന്ന് മാതൃഭൂമി ആഴ്ചപ്പതിപ്പില്‍ നിന്ന് പിന്‍വലിച്ച എസ് ഹരീഷിന്റെ “മീശ’ നോവല്‍ തന്റെ നിയന്ത്രണത്തിലുള്ള ശ്രേഷ്ഠാ പബ്ലിക്കേഷന്‍ പ്രസിദ്ധീകരിക്കാന്‍ തയ്യാറാണെന്ന് പ്രതിപക്ഷനേതാവ് രമേശ് ചെന്നിത്തല. ഇക്കാര്യം ഹരീഷിനെ അറിയിച്ചിട്ടുണ്ടെന്നും ചെന്നിത്തല പറഞ്ഞു.
ഹരീഷിനെതിരേയുള്ള ഭീഷണിയില്‍ ശക്തമായി പ്രതിഷേധിക്കുന്നു. ഭീഷണിപ്പെടുത്തിയവര്‍ക്കെതിരേ പോലിസ് നടപടിയെടുക്കുന്നില്ലെന്നും അദ്ദേഹം കുറ്റപ്പെടുത്തി.‘
“മീശ’ എന്ന നോവല്‍ വര്‍ഗീയവാദികളുടെ ഭീഷണിയെത്തുടര്‍ന്ന് പിന്‍വലിക്കാനുള്ള എഴുത്തുകാരന്‍ എസ് ഹരീഷിന്റെ തീരുമാനം രാജ്യത്തു നിലനില്‍ക്കുന്ന അപ്രഖ്യാപിത അടിയന്തരാവസ്ഥയുടെ പ്രതിഫലനമാണെന്ന് എഐസിസി ജനറല്‍ സെക്രട്ടറി കെ സി വേണുഗോപാല്‍ എംപി പറഞ്ഞു.
അസഹിഷ്ണുതയുടെ ഇരുണ്ട കരങ്ങള്‍ പ്രബുദ്ധമെന്നു നാം കരുതിയിരുന്ന കേരളത്തിലും പിടിമുറുക്കുന്നുവെന്നത് ആശങ്കാജനകമാണ്. ഇത്തരം ഭീഷണികളുടെ മുന്നില്‍ മുട്ടുമടക്കി നോവല്‍ പിന്‍വലിക്കാനുള്ള തീരുമാനത്തില്‍ നിന്ന് എഴുത്തുകാരന്‍ പിന്മാറണം.
കേരളത്തിലെ പ്രബുദ്ധരായ ജനങ്ങള്‍ ഇത്തരം അസഹിഷ്ണുതാവാദികളെ ഒറ്റപ്പെടുത്തുമെന്നും കെ സി വേണുഗോപാല്‍ എംപി പ്രസ്താവനയില്‍ പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss