|    Feb 21 Wed, 2018 12:43 am
FLASH NEWS

മിഷേല്‍ ഷാജിയുടെ മരണം ആത്മഹത്യയാണെന്ന് കരുതുന്നതായി ക്രൈംബ്രാഞ്ച്‌

Published : 10th November 2017 | Posted By: fsq

 

കൊച്ചി: മിഷേല്‍ ഷാജിയുടെ മരണം ആത്മഹത്യയാണെന്ന് കരുതുന്നതായി ക്രൈംബ്രാഞ്ച് ഹൈക്കോടതിയെ അറിയിച്ചു. ഇതുവരെയുള്ള തെളിവുകള്‍ പരിശോധിക്കുമ്പോള്‍ ആത്മഹത്യയാണ് നടന്നതെന്ന് വ്യക്തമാവുന്നതായി സിബിസിഐഡി ഡിവൈഎസ്പി ജോര്‍ജ് ചെറിയാന്‍ സമര്‍പ്പിച്ച സത്യവാങ്മൂലം പറയുന്നു. കേസില്‍ സിബിഐ അന്വേഷണം ആവശ്യപ്പെട്ട് പിതാവ് എറണാകുളം മുളക്കുളം നോര്‍ത്ത് സ്വദേശി ഷാജി വര്‍ഗീസ് സമര്‍പ്പിച്ച ഹരജിയാണ് ഹൈക്കോടതിയുടെ പരിഗണനയിലുള്ളത്. അന്വേഷണം അന്തിമഘട്ടത്തിലാണെന്നും ഉടന്‍ റിപോര്‍ട് നല്‍കുമെന്നും ഡിവൈഎസ്പി കോടതിയെ അറിയിച്ചു. 2017 മാര്‍ച്ച് അഞ്ചിനാണ് മിഷേലിനെ കാണാതായത്. തൊട്ടടുത്ത ദിവസം കൊച്ചി കായലില്‍ നിന്ന് മൃതദേഹം ലഭിച്ചു. ഏറെ സമ്മര്‍ദ്ദങ്ങള്‍ക്കൊടുവിലാണ് കേസന്വേഷണം ക്രൈംബ്രാഞ്ചിനു വിട്ടത്. മാര്‍ച്ച് അഞ്ചിന് വൈകീട്ട് 6.15 ന് കലൂര്‍ പള്ളിയില്‍ പ്രാര്‍ഥിച്ച ശേഷം ഗോശ്രീ പാലത്തിനടുത്തേക്ക് നടന്ന മിഷേല്‍ രാത്രി എട്ടോടെ രണ്ടാം പാലത്തില്‍ നിന്ന് കായലില്‍ ചാടിയെന്നാണ് ക്രൈംബ്രാഞ്ച് സൂചന നല്‍കുന്നത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss