|    Jun 25 Mon, 2018 12:24 am
FLASH NEWS

മിന്നലേറ്റ് പശുക്കള്‍ ചത്തു; വീടിന് നാശം

Published : 24th May 2018 | Posted By: kasim kzm

നാദാപുരം: മലയോര മേഖലയില്‍ ഇന്നലെ വൈകുന്നേരം മഴയോടൊപ്പമുണ്ടായ ശക്തമായ മിന്നലില്‍ കനത്ത നാശം. വിലങ്ങാടും, വളയത്തും പശുക്കള്‍ മിന്നലേറ്റ് ചത്തു. വളയം നിരവുമ്മലിലെ പൊയിലു പറമ്പത്ത് രാജന്റെ പശുവാണ് ചത്തത്. ഇന്നലെ വൈകുന്നേരം നാല് മണിയോടെയാണ് സംഭവം.വീടിന് സമീപത്തെ പറമ്പില്‍ മേയാനായി കെട്ടിയതായിരുന്നു.
നാല്‍പതിനായിരം രൂപയുടെ നാശ നഷ്ടം കണക്കാക്കുന്നു. വിലങ്ങാട് വായാട് ഒറ്റ പ്ലാക്കല്‍ മത്തായിയുടെ മൂന്ന് കറവ പശുക്കള്‍ മിന്നലേറ്റ് ചത്തു. തൊഴുത്തില്‍ കെട്ടിയതായിരുന്നുമലയോരത്ത് ഉച്ചയ്ക്ക് ശേഷം കനത്ത മഴയാണ് പെയ്തത്. ഒരു ലക്ഷത്തിലധികം രൂപയുടെ നഷ്ടം ഉണ്ടായതായി നാട്ടുകാര്‍ പറഞ്ഞു. മിന്നലേറ്റ് ഇരിങ്ങണ്ണൂര്‍ ടൗണിനടുത്ത പുന്നോറത്ത് ദേവിയുടെ  വീട്ടിലെ അടുക്കളയിലെ പവര്‍ പോയന്റ് പ്ലഗ്ഗും ചുമരും തകര്‍ന്നു. അടുക്കളയിലെ തണയുടെ ടൈല്‍സും ദൂരേക്ക് തെറിച്ചു വീണു . വീടിന് പിന്നിലെ ചുമരില്‍ ദ്വാരം രൂപപ്പെട്ട നിലയിലാണ്. അപകട സമയത്ത് വീട്ടുകാര്‍ അടുക്കള ഭാഗത്ത് ഉണ്ടായിരുന്നെങ്കിലും ആര്‍ക്കും പരിക്കില്ല.
വളയം അച്ചം വീടിന് സമീപം ആശാരീന്റവിടെ മോഹനനന്റെ വീടിനും മിന്നലേറ്റ് നാശ നഷ്ടങ്ങള്‍ ഉണ്ടായി. വീടിന്റെ കാര്‍ പോര്‍ച്ചിന്റെ പില്ലര്‍ തകര്‍ന്നു. പറമ്പിലെ തെങ്ങിനും വാഴകൃഷിക്കും മിന്നലേറ്റ് നാശ നഷ്ടം ഉണ്ടായി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss