|    May 23 Tue, 2017 2:41 pm
FLASH NEWS

മാവോവാദ പ്രവര്‍ത്തനം: സംസ്ഥാനത്ത് രജിസ്റ്റര്‍  ചെയ്തത് 126 കേസുകള്‍

Published : 18th February 2016 | Posted By: SMR

തിരുവനന്തപുരം: മാവോവാദപ്രവര്‍ത്തനങ്ങളുമായി ബന്ധപ്പെട്ട് സ0സ്ഥാനത്ത് ഇതുവരെ 126 കേസുകള്‍ രജിസ്റ്റര്‍ ചെയ്തിട്ടുണ്ടെന്ന് ആഭ്യന്തരമന്ത്രി രമേശ് ചെന്നിത്തല നിയമസഭയെ അറിയിച്ചു. ഇതുമായി ബന്ധപ്പെട്ട് ആരെയും കരുതല്‍ തടങ്കലില്‍ പാര്‍പ്പിച്ചിട്ടില്ലെന്നും മുല്ലക്കര രത്‌നാകരനെ മന്ത്രി അറിയിച്ചു.
ഈ സര്‍ക്കാരിന്റെ കാലത്ത് 1,686 കൊലപാതകങ്ങള്‍ റിപോര്‍ട്ട് ചെയ്തിട്ടുണ്ടെന്ന് ആഭ്യന്തരമന്ത്രി രമേശ് ചെന്നിത്തല പറഞ്ഞു. ഇതില്‍ 29 എണ്ണം രാഷ്ട്രീയ കൊലപാതകമായി കണക്കാക്കപ്പെടുന്നു. 3 കേസുകളില്‍ യുഎപിഎ ചുമത്തി. ഒരെണ്ണം സിബിഐക്കു വിട്ടു. സര്‍ക്കാരിന്റ കാലത്ത് കാപ്പ നിയമപ്രകാരം പുറപ്പെടുവിച്ച 94 കരുതല്‍ തടങ്കല്‍ ഉത്തരവുകള്‍ കോടതി റദ്ദാക്കിയിട്ടുണ്ടെന്നും മന്ത്രി പറഞ്ഞു.
കര്‍ഷകര്‍ക്കു സോളാര്‍ പമ്പുസെറ്റുകള്‍ സൗജന്യമായി നല്‍കുമെന്നും മന്ത്രി ആര്യാടന്‍ മുഹമ്മദ് അറിയിച്ചു. തിരുവനന്തപുരം-ചെങ്ങന്നൂര്‍ സബര്‍ബന്‍ റെയില്‍ പദ്ധതി നടപ്പാക്കുന്നതിന് വിശദമായ പദ്ധതിരേഖ ബോംബെ റെയില്‍ കോര്‍പറേഷന്‍ തയ്യാറാക്കിയെന്നും സ്‌പെഷ്യല്‍ പര്‍പസ് വെഹിക്കിള്‍(എസ്പിവി) രൂപീകരിച്ചാല്‍ ആദ്യം ആരംഭിക്കുന്നത് ഈ പ്രവൃത്തിയായിരിക്കുമെന്നും മന്ത്രി അറിയിച്ചു.
നിലമ്പൂര്‍-നഞ്ചന്‍കോട്, ശബരി പാതകളുടെ നിര്‍മാണം എസ്പിവിക്ക് കീഴില്‍ കൊണ്ടുവരും. തീരദേശ റെയില്‍പാതയ്ക്കായി അലയ്‌മെന്റ് തയ്യാറാക്കിയെങ്കിലും ഭൂമിയേറ്റെടുക്കല്‍ സംബന്ധിച്ച് തീരുമാനമായില്ലെന്നും മന്ത്രി പറഞ്ഞു.
കഴിഞ്ഞ സര്‍ക്കാര്‍ ആരംഭിച്ച 73 നീതി സ്റ്റോറുകളും 10 ത്രിവേണി സ്‌റ്റോറുകളും അടച്ചുപൂട്ടിയിട്ടുണ്ടെന്നു മന്ത്രി സിഎന്‍ ബാലകൃഷ്ണന്‍ അറിയിച്ചു. ഈ സര്‍ക്കാരിന്റെ കാലത്ത് കണ്‍സ്യൂമര്‍ ഫെഡിന്റെ വ്യാപാരത്തില്‍ 103.11 ശതമാനം വര്‍ധനവുണ്ടായി. കണ്‍സ്യൂമര്‍ഫെഡിനു കീഴില്‍ 892 നന്‍മ സ്റ്റോറുകളാണ് ആരംഭിച്ചത്. അവയില്‍ ഇപ്പോള്‍ 771 എണ്ണം പ്രവര്‍ത്തിക്കുന്നുണ്ടെന്നും മന്ത്രി അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day