|    Jan 19 Thu, 2017 12:08 pm
FLASH NEWS

മാള മണ്ടിക്കയറ്റത്ത് ഗതാഗത പ്രശ്‌നം രൂക്ഷം

Published : 14th December 2015 | Posted By: SMR

മാള: കുഴൂര്‍ ഗ്രാമപ്പഞ്ചായത്തിന്റേയും മാള ഗ്രാമപ്പഞ്ചായത്തിന്റേയും അതിര്‍ത്തിയായ മണ്ടിക്കയറ്റത്തെ ഗതാഗത ദുരിതത്തിന് പരിഹാരം കാണണമെന്നയാവശ്യം ശക്തം.
മാളയില്‍ നിന്നും ആലുവയിലേക്ക് എളുപ്പ വഴിയായ മാള എരവത്തൂര്‍ ആലുവ റൂട്ടിലാണ് വളരെയേറെ ദുരിതം വിതക്കുന്ന മണ്ടിക്കയറ്റം. വലിയപറമ്പിലെ പഴയ ഐടിഐ സ്‌റ്റോപ്പിനടുത്ത് നിന്ന് തുടങ്ങുന്ന വലിയ ഇറക്കം കഴിഞ്ഞ് തുടങ്ങുന്ന കുത്തനെയുള്ള കയറ്റമാണ് മണ്ടിക്കയറ്റം.
ഒരേ സമയം രണ്ട് വാഹനങ്ങള്‍ക്ക് കടന്നു പോവാനുള്ള വീതിയില്ലാത്തതും വലിയ ദുരിതമാണ്. ഇരു ഭാഗത്ത് നിന്നും ബസ്സുകളോ സമാന വലുപ്പമുള്ള വാഹനങ്ങളോ ഒരേ സമയം വന്നാല്‍ ഏറെ സമയമെടുത്ത് മാത്രമേ കടന്നു പോകാനാകൂ. കയറ്റം കയറി വരുന്ന വാഹനങ്ങള്‍ പലപ്പോഴും പുറകിലേക്ക് എടുക്കേണ്ടി വരുന്നു.
ഭാരം കയറ്റി വരുന്ന ചെറുവാഹനങ്ങള്‍ നിരവധി തവണയാണ് ഇവിടെ മറിഞ്ഞിട്ടുള്ളത്. വലിയപറമ്പില്‍ നിന്ന് ഇറങ്ങി വരുന്നിടത്ത് അത്യാവശ്യം വീതി റോഡിനുണ്ടെങ്കിലും മണ്ടിക്കയറ്റം ഭാഗത്ത് വീതി വളരെ കുറവാണ്.
കുന്നിടിച്ചാണ് പതിറ്റാണ്ടുകള്‍ക്ക് മുന്‍പ് റോഡ് പണിതത് . റോഡിനിരുഭാഗത്തും ഉയര്‍ന്ന സ്ഥലമാണ്. കുറഞ്ഞത് രണ്ട് മീറ്റര്‍ വീതം വീതിയും ഉയരവും കൂട്ടിയാല്‍ ഇവിടത്തെ ദുരിതത്തിന് പരിഹാരമാവും.

Share on FacebookShare on Google+Tweet about this on TwitterShare on LinkedIn
(Visited 53 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക