|    Oct 17 Tue, 2017 7:41 am
FLASH NEWS
Home   >  Todays Paper  >  Page 4  >  

മാറാട്: ജാമ്യവ്യവസ്ഥയില്‍ ഇളവ് അനുവദിക്കരുതെന്ന് സര്‍ക്കാര്‍

Published : 26th February 2016 | Posted By: SMR

കൊച്ചി: കലാപം കഴിഞ്ഞ് വര്‍ഷങ്ങള്‍ കഴിഞ്ഞിട്ടും മാറാട് സാധാരണ ഗതിയിലായിട്ടില്ലെന്നും ഇപ്പോഴും പോലിസിന്റെ സൂക്ഷ്മ നിരീക്ഷണത്തിലാണ് പ്രദേശമെന്നും സര്‍ക്കാര്‍ ഹൈക്കോടതിയില്‍. രണ്ടാം മാറാട് കേസിലെ 21 പ്രതികള്‍ മാറാട് പ്രദേശത്ത് പ്രവേശിക്കരുതെന്ന ജാമ്യവ്യവസ്ഥയില്‍ ഇളവ് അനുവദിക്കണമെന്നാവശ്യപ്പെട്ട് സമര്‍പ്പിച്ച ഹരജിയിലാണ് കോഴിക്കോട് അസിസ്ന്റന്റ് കമ്മീഷണര്‍ എ ജെ ബാബു കോടതിയില്‍ റിപോര്‍ട്ട് നല്‍കിയത്.
പ്രദേശത്തെ ക്ലബ്ബുമായി ബന്ധപ്പെട്ട ആഘോഷങ്ങളുടെ ഭാഗമായാണ് കലാപത്തിന് തുടക്കമിട്ടത്. കഴിഞ്ഞ തദ്ദേശസ്വയംഭരണ സ്ഥാപന തിരഞ്ഞെടുപ്പില്‍ ബിജെപി, വിഎച്ച്പി, ആര്‍എസ്എസ് തുടങ്ങിയ സംഘടനകളുടെ നേത്യത്വത്തില്‍ മൂന്ന് സീറ്റുകള്‍ നേടി. ഇതിനുശേഷം ഈ വിഭാഗം അമിതാവേശത്തിലാണ്. എതിര്‍ ഭാഗത്ത് മുസ്ലിം സമുദായത്തില്‍ പെട്ടവരും അസംതൃപ്തരാണ്.
തിരഞ്ഞെടുപ്പ് അടുത്തുവരുന്നതിനാല്‍ കൂടുതല്‍ പോലിസ് സേനയെ പ്രദേശത്തെ സുരക്ഷയ്ക്കായി നിയമിക്കാനാവില്ല. അതിനാല്‍, ഹരജിക്കാരുടെ ജാമ്യവ്യവസ്ഥയില്‍ ഇളവ് അനുവദിക്കരുതെന്നും സര്‍ക്കാര്‍ കോടതിയെ അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക