|    Aug 22 Wed, 2018 7:27 am
FLASH NEWS
Home   >  Editpage  >  Second edit  >  

മാര്‍ജാര യുദ്ധം

Published : 25th July 2018 | Posted By: kasim kzm

വീട്ടുപൂച്ചകള്‍ക്ക് പതിനായിരത്തിലേറെ വര്‍ഷം പഴക്കമില്ലെന്ന് ജന്തുശാസ്ത്രജ്ഞന്മാര്‍ പറയുന്നു. വടക്കേ ആഫ്രിക്കയിലാണ് ആദ്യമായി കാണപ്പെടുന്നതത്രേ. പിന്നീട് വടക്കേ അമേരിക്കയിലേക്കും യൂറോപ്പിലേക്കും ലോകത്തിന്റെ മറ്റെല്ലാ ഭാഗങ്ങളിലേക്കും വ്യാപിക്കുകയായിരുന്നു.
ഒന്നാം ലോകയുദ്ധകാലത്ത് കിടങ്ങുകളില്‍ പട്ടാളക്കാരെ എലിശല്യത്തില്‍ നിന്ന് മോചിപ്പിച്ചത് പൂച്ചകളായിരുന്നു. എന്നാല്‍, ഇപ്പോള്‍ അമേരിക്കയിലും ആസ്‌ത്രേലിയയിലുമെല്ലാം പൂച്ചകള്‍ക്കെതിരേ യുദ്ധം പ്രഖ്യാപിച്ചിരിക്കുകയാണ്. 2016ല്‍ പുറത്തിറങ്ങിയ കേറ്റ് വാര്‍സ് എന്ന പുസ്തകത്തില്‍, പൂച്ചശല്യം ഒഴിവാക്കാന്‍ കടുത്ത നടപടികള്‍ സ്വീകരിക്കണമെന്ന് നിര്‍ദേശിച്ചിരിക്കുന്നു. അഞ്ചു കോടി നാട്ടുപൂച്ചകളോടൊപ്പം പത്തു കോടി  കാട്ടുപൂച്ചകളെയും നിഷ്‌കാസനം ചെയ്യേണ്ടിയിരിക്കുന്നുവെന്നാണ് ഗ്രന്ഥകര്‍ത്താക്കളുടെ വാദം. ഈ മാര്‍ജാരവംശം പക്ഷികള്‍ക്കും ചിലയിനം സസ്തന ജീവികള്‍ക്കും ഭീഷണിയായിത്തീര്‍ന്നിരിക്കുന്നുവെന്നാണ് അവര്‍ പറയുന്നത്. ഇങ്ങനെ പോയാല്‍ അവയില്‍ പല ജനുസ്സുകള്‍ക്കും വംശനാശം വരെ സംഭവിക്കുമെന്നവര്‍ മുന്നറിയിപ്പ് നല്‍കിയിരിക്കുന്നു.
ആസ്‌ത്രേലിയന്‍ ഗവണ്‍മെന്റ് 20 ലക്ഷം പൂച്ചകളെ കൊന്നൊടുക്കാനുള്ള പദ്ധതിയുമായി മുന്നോട്ടുപൊയ്‌ക്കൊണ്ടിരിക്കുകയാണിപ്പോള്‍. അമേരിക്കയിലും പൂച്ചകളുടെ കണക്കെടുത്തുകൊണ്ടിരിക്കുന്നു. അതേസമയം, ഇക്കൂട്ടര്‍ കാര്യങ്ങള്‍ പെരുപ്പിച്ചുപറയുകയാണെന്നും കൊളോണിയലിസ്റ്റുകളോടൊപ്പം വന്ന ഈ നിശ്ശബ്ദ ജീവികളെക്കൊണ്ട് പരിസ്ഥിതിക്ക് ഹാനികരമായി ഒന്നും സംഭവിച്ചിട്ടില്ലെന്നും പറയുന്നവരുമുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss