|    Jul 23 Mon, 2018 2:06 am
FLASH NEWS
Home   >  Todays Paper  >  Page 4  >  

മാര്‍ക്കറ്റിങ് കമ്പനി ജീവനക്കാരിയെ മര്‍ദിച്ചയാള്‍ അറസ്റ്റില്‍

Published : 13th November 2017 | Posted By: fsq

 

താമരശ്ശേരി: യുവതിയെ ക്രൂരമായി മര്‍ദിച്ച യുവാവ് അറസ്റ്റില്‍.  പെരുമ്പള്ളി ചെറുപ്ലാട് വനഭൂമിയിലെ കുഞ്ഞുമോനെ (36) യാണ് താമരശ്ശേരി എസ്‌ഐ സായൂജിന്റെ നേതൃത്വത്തിലുള്ള സംഘം പിടികൂടിയത്. മാര്‍ക്കറ്റിങ് കമ്പനിയിലെ ജീവനക്കാരിയായ തിരുവനന്തപുരം സ്വദേശിനിയെ ലൈംഗിക പീഡനത്തിനിരയാക്കാന്‍ ശ്രമിക്കുകയും എതിര്‍ത്തപ്പോള്‍ ക്രൂരമായി മര്‍ദിക്കുകയുമായിരുന്നു. കഴിഞ്ഞ ഒക്ടോബര്‍ പന്ത്രണ്ടിനായിരുന്നു സംഭവം. പെരുമ്പള്ളി ചെറുപ്ലാട് വനഭൂമിയില്‍ ഗൃഹോപകരണങ്ങളുടെ വില്‍പനയ്‌ക്കെത്തിയ യുവതി ഇയാളുടെ വീട്ടില്‍ നിന്നും തരിച്ചിറങ്ങുമ്പോള്‍ പ്രതി പിന്നാലെയെത്തി. അടുത്ത വീട് കാണിച്ച് കൊടുക്കാമെന്നും പറഞ്ഞ് ആളൊഴിഞ്ഞ പ്രദേശത്തേക്ക് കൂട്ടികൊണ്ടുപോവുകയും ലൈംഗികമായി പീഡിപ്പിക്കാന്‍ ശ്രമിക്കുകയുമായിരുന്നു. താമരശ്ശേരി പോലിസ് സ്ഥലത്തെത്തി യുവതിയെ ആശുപത്രിയിലെത്തിക്കുമ്പോഴേക്കും പ്രതി വനപ്രദേശത്തേക്ക് രക്ഷപ്പെട്ടിരുന്നു. കക്കാടംപൊയിലിലെ ആദിവാസി കോളനിയില്‍ ഒളിവില്‍ കഴിയുകയായിരുന്ന പ്രതിയെ താമരശ്ശേരി എസ്‌ഐ സായൂജ്, എഎസ്‌ഐമാരായ അനില്‍കുമാര്‍, പത്മനാഭന്‍ എന്നിവരടങ്ങിയ സംഘമാണ് വലയിലാക്കിയത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss