|    Jul 24 Mon, 2017 6:01 am
FLASH NEWS

മാനസികാസ്വാസ്ഥ്യമുള്ള ദലിത് യുവാവിനെ ബിജെപി പ്രവര്‍ത്തകര്‍ മര്‍ദ്ദിച്ചതായി പരാതി

Published : 20th February 2016 | Posted By: SMR

മുക്കം: മാനസികാസ്വാസ്ഥ്യമുള്ള ദലിത് യുവാവ് ക്രൂരമര്‍ദ്ദനത്തിന് ഇരയായതായി പരാതി. ആനക്കാംപൊയില്‍ പുതിയ വീട്ടില്‍ ബിനീഷ് (27) ആണ് മര്‍ദ്ദനത്തിനിരയായത്. കഴിഞ്ഞ ശനിയാഴ്ചയാണ് സംഭവം. നട്ടെല്ലിന് പരിക്കേറ്റ ബിനീഷ് മുക്കം കമ്യൂണിറ്റി ഹെല്‍ത്ത് സെന്ററില്‍ ചികില്‍സയിലാണ്. ഒരു സംഘമാളുകള്‍ ബൈക്കിലെത്തി കല്ലും വടിയുമായി മര്‍ദ്ദിച്ച ശേഷം നിലത്തിട്ട് ചവിട്ടുകയായിരുന്നു വെന്ന് ബിനീഷിന്റെ മാതാവ് ലീല പറഞ്ഞു. ബിനീഷിന് പ്രാഥമിക കൃത്യങ്ങള്‍ നിര്‍വഹിക്കണമെങ്കില്‍ പോലും മറ്റുള്ളവരുടെ സഹായം അവശ്യമാണ്.
അതേ സമയം അക്രമത്തിന് പിന്നില്‍ ബിജെപി-ആര്‍എസ്എസ് പ്രവര്‍ത്തകരാണന്ന് പട്ടികജാതി ക്ഷേമസമിതി തിരുവമ്പാടി പഞ്ചായത്ത് കമ്മിറ്റി ആരോപിച്ചു. ഇത് ഒറ്റപെട്ട സംഭവമല്ലെന്നും ദേശീയ തലത്തില്‍ ദലിതര്‍ക്കെതിരെ നടന്നു വരുന്ന അക്രമ സംഭവങ്ങളുടെ തുടര്‍ച്ചയാണന്നും കുറ്റവാളികളെ മാതൃകാപരമായി ശിക്ഷിക്കണമെന്നും അവര്‍ ആവശ്യപ്പെട്ടു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക