|    Jan 22 Sun, 2017 3:07 am
FLASH NEWS

മാനന്തവാടി നഗരസഭയിലെ വിജയികളെ ഇന്നു പ്രവചിക്കും

Published : 1st November 2015 | Posted By: SMR

മാനന്തവാടി: നഗരസഭാ കൗണ്‍സിലിലേക്കുളള തിരഞ്ഞെടുപ്പിലെ വിജയികളെ ഇന്നു പ്രവചിക്കും. മാനന്തവാടി പ്രസ് ഫോറവും ഗ്രാന്റ് ഡ്രേപ് എന്റര്‍ടെയ്ന്‍മെന്റും ചേര്‍ന്നാണ് വ്യത്യസ്തമായ പരിപാടിയൊരുക്കുന്നത്. ഉച്ചയ്ക്കു 12ന് പ്രസ് ഫോറത്തില്‍ നടക്കുന്ന ചടങ്ങില്‍ 36 ഡിവിഷനുകളിലെയും വിജയികളെയും വിജയവാര്‍ത്ത പ്രസിദ്ധീകരിക്കുന്ന പ്രമുഖ ദിനപത്രങ്ങളുടെ എട്ടിലെ തലക്കെട്ടുമാണ് യുവ മാന്ത്രികന്‍ മഹേഷ് വയനാട് പ്രവചിക്കുക. ഫലവും തലക്കെട്ടുകളും അടങ്ങുന്ന പേപ്പര്‍ സീല്‍ ചെയ്തു പെട്ടിയിലാക്കി താഴുകൊണ്ട് പൂട്ടി അലമാരയില്‍ സൂക്ഷിക്കും. പെട്ടി പൂട്ടുന്നതിന് സബ് കലക്ടര്‍ ശീറാം സാംബശിവ റാവു, സിഐ കെ കെ അബ്ദുല്‍ ഷരീഫ്, എസ്‌ഐ വിനോദ് വലിയാറ്റൂര്‍, യുഡിഎഫ്, എല്‍ഡിഎഫ് നേതാക്കള്‍ സാക്ഷികളാവും. താക്കോല്‍ സബ് കലക്ടര്‍ തന്നെ സൂക്ഷിക്കും.
എട്ടിന് ഉച്ചയ്ക്കു 12ന് വിശിഷ്ട വ്യക്തികളെയും പൗരസമൂഹത്തെയും സാക്ഷിയാക്കി സബ് കലക്ടര്‍ പെട്ടി തുറന്ന് ഫലം വായിക്കും. തിരഞ്ഞെടുപ്പ് കൗതുകത്തോടൊപ്പം മാജിക് എന്ന കലയുടെ പ്രോല്‍സാഹനത്തിന് കൂടിയാണ് പ്രവചന പരിപാടി നടത്തുന്നതെന്നു പ്രസ് ഫോറം പ്രസിഡന്റ് കെ എം ഷിനോജ്, സെക്രട്ടറി എ ഷമീര്‍, ഫിറോസ് ഖാന്‍ അറിയിച്ചു.

Share on FacebookShare on Google+Tweet about this on TwitterShare on LinkedIn
(Visited 55 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക