|    Oct 19 Thu, 2017 3:27 am
FLASH NEWS
Home   >  Todays Paper  >  page 10  >  

മാനനഷ്ടം: വിഎസിനെതിരായ പരാതി തള്ളിയെന്ന വാര്‍ത്ത തെറ്റെന്ന് അഭിഭാഷകന്‍

Published : 1st May 2016 | Posted By: SMR

തിരുവനന്തപുരം: ഒരു ലക്ഷം രൂപ നഷ്ടപരിഹാരം ആവശ്യപ്പെട്ട് മുഖ്യമന്ത്രി ഉമ്മന്‍ചാണ്ടി നല്‍കിയ മാനനഷ്ടക്കേസ് തിരുവനന്തപുരം അഡീഷനല്‍ ജില്ലാ കോടതി തള്ളി എന്ന രീതിയില്‍ വന്ന വാര്‍ത്ത വാസ്തവവിരുദ്ധമാണെന്ന് മുഖ്യമന്ത്രിയുടെ അഭിഭാഷകന്‍ അഡ്വ. എ സന്തോഷ്‌കുമാര്‍. തിരഞ്ഞെടുപ്പ് കാലമായതിനാല്‍ മെയ് 16ന് മുമ്പ് കേസ് തീര്‍ക്കണമെന്ന് അഡ്വ. എ സന്തോഷ്‌കുമാര്‍ ആവശ്യപ്പെട്ടു. എന്നാല്‍, പ്രതിഭാഗം അഭിഭാഷകന്‍, വിഎസ് തിരഞ്ഞെടുപ്പ് പ്രചാരണത്തിലാണെന്നും കേസ് പഠിക്കാനും മറുപടി നല്‍കാനും സാവകാശം നല്‍കണമെന്നും ആവശ്യപ്പെട്ടു. ഇതേത്തുടര്‍ന്നാണ് കോടതി കേസ് മാറ്റിവച്ചത്.
ലോകായുക്തയില്‍ 12 കേസുകള്‍ മുഖ്യമന്ത്രിക്കെതിരേ ഉണ്ടെന്നും വിഎസ് ഈ ആരോപണത്തില്‍ ഉറച്ചുനില്‍ക്കുന്നതായും പ്രതിപക്ഷനേതാവിന്റെ അഭിഭാഷകന്‍ അഡ്വ. ചെറുന്നിയൂര്‍ പി ശശിധരന്‍ നായര്‍ പറഞ്ഞു.
എന്നാല്‍, ലോകായുക്തയില്‍ ഒരു കേസും നിലവിലില്ലെന്നും രണ്ടാഴ്ച അനുവദിക്കുന്നത് തിരഞ്ഞെടുപ്പില്‍ മല്‍സരിക്കുന്ന മുഖ്യമന്ത്രിക്ക് ദോഷകരമാവുമെന്നും അഡ്വ. എ സന്തോഷ്‌കുമാര്‍ മറുവാദമുന്നയിച്ചു. ഈ സന്ദര്‍ഭത്തിലാണ്, നിങ്ങളൊക്കെക്കൂടി കോടതിയെ എതിര്‍ പാര്‍ട്ടിക്കാരന് എതിരായുള്ള ആരോപണം ഉന്നയിക്കാനുള്ള വേദിയാക്കുന്നതെന്തിന് എന്ന് കോടതി ചോദിച്ചത്. അല്ലാതെ മുഖ്യമന്ത്രി കൊടുത്ത കേസിനെ ഉദ്ദേശിച്ചായിരുന്നില്ല ഈ പരാമര്‍ശമെന്നും അഡ്വ. എ സന്തോഷ്‌കുമാര്‍ പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക