|    Apr 22 Sun, 2018 12:53 am
FLASH NEWS

മാധ്യമപ്രവര്‍ത്തകരുടെ പേരില്‍ വ്യാജപിരിവ്

Published : 26th June 2016 | Posted By: SMR

പെരുമ്പാവൂര്‍: മാധ്യമപ്രവര്‍ത്തകരുടെ പേരില്‍ വ്യാജപിരിവ്. ഒരാള്‍ പൊലിസ് കസ്റ്റഡിയില്‍. സംസ്ഥാനത്തെ വിവിധ ഭാഗങ്ങളില്‍ മാധ്യമപ്രവര്‍ത്തകരുടെ കൂട്ടായ്മയായ കേരള ജേണലിസ്റ്റ് യൂനിയന്റെ പേരില്‍ അനധികൃത പിരിവ് നടത്തിയ സംഘത്തിലെ ഒരാളെയാണ് ഇന്നലെ ഉച്ചയോടെ പെരുമ്പാവൂര്‍ പൊലിസ് കസ്റ്റിഡിയിലെടുത്തത്.
തിരുവനന്തപുരം പള്ളിക്കല്‍ സ്വദേശി കോണത്ത് വീട്ടില്‍ അല്‍ അമീന്‍ (37)നെയാണ് പൊലിസ് പിടികൂടിയത്. കഴിഞ്ഞ ഏതാനും ദിവസങ്ങളായി പെരുമ്പാവൂരിലെ വിവിധ വ്യവസായ മേഖലകള്‍ കേന്ദ്രീകരിച്ച് വ്യവസായികളെ ഭീഷണിപ്പെടുത്തിയും മറ്റും പണം പിരിച്ചുവരികയായിരുന്നു. പെരുമ്പാവൂര്‍ പോഞ്ഞാശ്ശേരി ഭാഗത്ത് ഇത്തരത്തില്‍ പിരിവ് നടത്തുന്നതിനിടെ സംശയം തോന്നിയ നാട്ടുകാര്‍ പെരുമ്പാവൂരിലെ മാധ്യമപ്രവര്‍ത്തകരെ വിവരം അറിയിക്കുകയായിരുന്നു. മാധ്യമപ്രവര്‍ത്തകര്‍ സംഭവസ്ഥലത്തെത്തി പരിശോധിച്ചപ്പോഴാണ് വ്യാജ തിരിച്ചറിയല്‍ കാര്‍ഡും രസീതും ഉപയോഗിച്ച് പിരിവ് നടത്തുന്നതാണെന്ന് മനസിലായത്. ഇത് സംബന്ധിച്ച് കെജെയു എറണാകുളം ജില്ലാ കമ്മറ്റി പെരുമ്പാവൂര്‍ പൊലിസില്‍ പരാതി നല്‍കി.
നേരത്തെ വിവിധ കേസുകളില്‍ ജയില്‍ശിക്ഷ അനുഭവിച്ചിട്ടുള്ളയാളാണ് പ്രതിയെന്നും പൊലിസ് പറഞ്ഞു. ഇവരുടെ കൂട്ടാളികളെ പിടികൂടുന്നതിന് അന്വേഷണം ഊര്‍ജിതമാക്കിയതായി പെരുമ്പാവൂര്‍ പ്രിന്‍സിപ്പല്‍ എസ്‌ഐ പി എ ഫൈസല്‍ അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss