|    May 27 Sun, 2018 11:00 am
FLASH NEWS

മാതൃസ്‌നേഹത്തിന്റെ മാറ്റുകൂട്ടാന്‍ അമ്മയ്‌ക്കൊരുപുഞ്ചിരിയുമായി വിദ്യാര്‍ഥികള്‍

Published : 8th January 2018 | Posted By: kasim kzm

കോഡൂര്‍: മാതാപിതാക്കളോടുള്ള സ്‌നേഹവും കരുണയും കുറയുന്ന കാലത്ത്, മാതൃസ്‌നേഹത്തിന്റെ മാറ്റുകൂട്ടാന്‍ ‘അമ്മക്കൊരു പുഞ്ചിരി’യുമായി വിദ്യാര്‍ഥികള്‍. ചെമ്മങ്കടവ് പിഎംഎസ്എഎംഎ. ഹയര്‍സെക്കന്‍ഡറി സ്‌കൂളിലെ എന്‍എസ്എസ് യൂണിറ്റാണ് പുതിയ പദ്ധതിക്ക് തുടക്കം കുറിച്ചത്.പദ്ധതി പ്രകാരം വിദ്യാര്‍ഥികള്‍ എല്ലാ ചൊവ്വാഴ്ചകളിലും സ്‌കൂള്‍ സമയത്തിന് ശേഷം വൃദ്ധരായ അമ്മമാരെ സന്ദര്‍ശിക്കും. അഞ്ച് വിദ്യാര്‍ഥികളടങ്ങുന്നു ഇരുപത് സംഘങ്ങളായിട്ടാണ് അമ്മമാരെ സന്ദര്‍ശിക്കുക. അമ്മമാരുടെ സുഖവിവരങ്ങളും ആവശ്യങ്ങളും വിദ്യാര്‍ഥികള്‍ ചോദിച്ചറിയും. അവര്‍ക്കാവശ്യമുള്ള സഹയങ്ങളും വിദ്യാര്‍ഥികള്‍ എത്തിക്കും. പദ്ധതിയുടെ ഉദ്ഘാടനം ജില്ലാപഞ്ചായത്ത് വൈസ് പ്രസിഡന്റ് സക്കീന പുല്‍പ്പാടന്‍ നിര്‍വ്വഹിച്ചു. എന്‍എസ്എസ് സംസ്ഥാന കോഓര്‍ഡിനേറ്റര്‍ ഡോ. ജേക്കബ് ജോണ്‍ മുഖ്യപ്രഭാഷണം നിര്‍വ്വഹിച്ചു. സ്‌കൂള്‍ പിടിഎ. വൈസ് പ്രസിഡന്റ് പി പി അബ്ദുല്‍നാസര്‍, എന്‍എസ്എസ് ജില്ലാകണ്‍വീനര്‍ കെ കെ മുഹമ്മദ് അഷറഫ്, പി എസി. അംഗം എം സി  അനീഷ്, സ്‌കൂള്‍ സ്റ്റാഫ് സെക്രട്ടറി കെ  െ്രെപംസണ്‍, എന്‍എസ്എസ് പ്രോഗ്രാം ഓഫീസര്‍ എന്‍ കെ ഹഫ്‌സല്‍ റഹ്മാന്‍ സംസാരിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss