|    Jan 20 Fri, 2017 5:38 pm
FLASH NEWS

മാതൃഭാഷയ്ക്കു വേണ്ടി ഒരു ദിവസം

Published : 23rd February 2016 | Posted By: swapna en

മാര്‍ച്ച് മൂന്ന് മാതൃഭാഷാദിവസമായി കൊണ്ടാടണം എന്നാണ് സര്‍വകലാശാലകള്‍ക്കും കോളജുകള്‍ക്കും യൂനിവേഴ്‌സിറ്റി ഗ്രാന്റ്‌സ് കമ്മീഷന്‍ നല്‍കിയ നിര്‍ദേശം. ആഗോളതലത്തില്‍ മാതൃഭാഷാദിനമായി ആചരിക്കുന്ന ഫെബ്രുവരി 21 ഇക്കൊല്ലം ഞായറാഴ്ച ആയിപ്പോയതുകൊണ്ടാണ് യുജിസി ഈ നിര്‍ദേശം നല്‍കിയത്. ഫെബ്രുവരി 21 മാതൃഭാഷാദിനമായി ആചരിക്കുന്നതിനു പിന്നില്‍ ഒരു കഥയുണ്ട്. ബംഗ്ലാദേശാണ് കഥയുടെ പശ്ചാത്തലം. ഉര്‍ദു കിഴക്കും പടിഞ്ഞാറുമായി വേറിട്ടുകിടക്കുന്ന പാകിസ്താന്റെ ഔദ്യോഗിക ഭാഷയാക്കിയതില്‍നിന്നാണ് അതിന്റെ തുടക്കം. ബംഗാളി ഭാഷയുടെ പെരുമയെച്ചൊല്ലി അത്യധികം അഭിമാനിക്കുന്ന വംഗജനതയ്ക്ക് പൊറുപ്പിക്കാവുന്നതിലധികമായിരുന്നു ഇത്. കോളജ് കാംപസുകള്‍ ഭാഷാസമരങ്ങള്‍കൊണ്ട് വെന്തുനീറി. തമദുന്‍ മജ്‌ലിഷ്, രാഷ്ട്രഭാഷാ സംഗ്രാം പരിഷത്ത് തുടങ്ങിയ സംഘടനകള്‍ പ്രക്ഷോഭങ്ങളുമായി രംഗത്തുവന്നു. 1952 ഫെബ്രുവരി 21ന് ധക്ക സര്‍വകലാശാലാ വിദ്യാര്‍ഥികള്‍ നടത്തിയ പ്രതിഷേധസമരം വെടിവയ്പില്‍ കലാശിക്കുകയും അഞ്ചു യുവാക്കള്‍ മരിക്കുകയും ചെയ്തു. പിറ്റേദിവസവും സമരം തുടര്‍ന്നു. കൂടുതല്‍ പേര്‍ മരിച്ചു. ഈ സമരത്തില്‍നിന്നാണ് ഏകുഷെ എന്ന രാഷ്ട്രീയസംജ്ഞ രൂപപ്പെട്ടത്. ഏകുഷെ എന്നാല്‍ 21 എന്നര്‍ഥം.

Share on FacebookShare on Google+Tweet about this on TwitterShare on LinkedIn
(Visited 54 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക