|    Feb 21 Wed, 2018 7:16 am
FLASH NEWS

മാട്ടിറച്ചി നിരോധനം : ഭക്ഷണ സ്വാതന്ത്ര്യത്തിനെതിരായ കടന്നുകയറ്റമെന്ന്

Published : 28th May 2017 | Posted By: fsq

 

കണ്ണൂര്‍: കന്നുകാലികളുടെ വില്‍പന നിരോധനം വഴി മാട്ടിറച്ചിയെ നിരോധിക്കുന്നത് ഇഷ്ടപ്പെട്ട ഭക്ഷണം കഴിക്കാനുള്ള പൗരാവാശത്തിനെതിരായ കടന്നു കയറ്റമാണെന്ന് കെഎന്‍എം. സംസ്ഥാന സെക്രട്ടറി ഡോ. സുള്‍ഫിക്കര്‍ അലി അഭിപ്രായപ്പെട്ടു. റമദാനിലെ മതവിജ്ഞാന വേദിയുടെ ജില്ലാതല ഉല്‍ഘാടനം കണ്ണൂര്‍ സലഫി മസ്ജിദില്‍ നിര്‍വഹിക്കുകയായിരുന്നു അദ്ദേഹം. നോട്ട് അസാധുവാക്കല്‍, മാട്ടിറച്ചി നിരോധനം, ഗോവധ നിരോധന നിയമം എന്നിവ ചെറിയ ടെസ്റ്റ് ഡോസുകള്‍ മാത്രമാണ്. ഉദാത്തമായ സെക്കുലറിസത്തെ ഭരണഘടനയില്‍ നിന്ന് നീക്കം ചെയ്യാനുള്ള ഗൂഢശ്രമത്തിന്റെ ഭാഗമാണ് ഈ തീരുമാനങ്ങള്‍. കോടിക്കണക്കിന് ഇന്ത്യക്കാരുടെ ഇഷ്ട ഭക്ഷണവും ലക്ഷക്കണക്കിന് തൊഴിലാളികളുടെ ജീവനോപാധിയുമായ മാട്ടിറച്ചിയുടെ നിരോധനം ഗുരുതരമായ സാമുഹിക പ്രശ്‌നങ്ങളുണ്ടാക്കും. ഭക്ഷ്യ സാധനങ്ങളുടെ വിലക്കയറ്റത്തിന് കാരണമാവുന്ന ഇത്തരം നടപടികളില്‍ നിന്ന് കേന്ദ്ര സര്‍ക്കാര്‍ പിന്‍മാറണമെന്നും കെഎന്‍എം ആവശ്യപ്പെട്ടു. സി ആര്‍ സിദ്ദീഖ് ഹാജി, പുനത്തില്‍ ഹാഷിം, പി പി അബ്ദുസ്സലാം, പി എം അബ്ദുറഊഫ്, ഡോ. എ വി അബ്്ദുല്ല, മഹ്്മൂദ് വാരം, അലി ശ്രീകണ്ഠപുരം, നിസാമുദ്ദീന്‍ സിറ്റി നേതൃത്വം നല്‍കി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss