|    Nov 20 Tue, 2018 5:20 pm
FLASH NEWS
Home   >  Todays Paper  >  page 7  >  

മഹാരാഷ്ട്ര: വെള്ളച്ചാട്ടത്തില്‍ കുടുങ്ങിയ നൂറുപേരെ രക്ഷിച്ചു

Published : 9th July 2018 | Posted By: kasim kzm

മുംബൈ: കനത്ത മഴയെ തുടര്‍ന്ന് വെള്ളച്ചാട്ടത്തില്‍ കുടുങ്ങിപ്പോയ നൂറിലേറെ പേരെ രക്ഷപ്പെടുത്തി. വ്യോമസേനയും മറ്റ് വിവിധ ഏജന്‍സികളും ചേര്‍ന്നാണ് രക്ഷാപ്രവര്‍ത്തനം നടത്തിയത്. ഫാല്‍ഗഡ് ജില്ലയിലെ തുംഗ്വരേശ്വറിലെ ചിഞ്ചോട്ടി വെള്ളച്ചാട്ടത്തില്‍ 120ഓളം പേരാണ് വിനോദസഞ്ചാരത്തിനു പോയത്. ഇതില്‍ നൂറിലേറെ പേര്‍ കുടുങ്ങി. വിവരം ലഭിച്ചതിനെ തുടര്‍ന്നെത്തിയ പോലിസ്, അഗ്‌നിരക്ഷാ സേന, ദേശീയ ദുരന്തനിവാരണ സേന എന്നിവര്‍ നടത്തിയ രക്ഷാപ്രവര്‍ത്തനത്തില്‍ 97 പേരെ രക്ഷപ്പെടുത്തി.
നിബിഡവനവും മലയോരവുമായതിനാല്‍ ചിലരുടെ അടുത്തെത്താന്‍ രക്ഷാപ്രവര്‍ത്തകര്‍ക്കു കഴിഞ്ഞില്ല. ദുഷ്‌കരമായ കാലാവസ്ഥ വെല്ലുവിളിച്ചിറങ്ങിയ വ്യോമസേനാ ഹെലികോപ്റ്ററിലാണ് ആളുകളെ രക്ഷപ്പെടുത്തിയതെന്ന് അധികൃതര്‍ പറഞ്ഞു. ഇവരെ കോപ്റ്ററില്‍ മുംബൈയിലെത്തിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss