|    May 25 Fri, 2018 6:14 pm
FLASH NEWS
Home   >  National   >  

മഹാരാഷ്ട്രാ സംഘര്‍ഷം: സംഘപരിവാര നേതാക്കളുടെ അറസ്റ്റ് തടഞ്ഞത് മോദിയുടെ ഓഫിസ്

Published : 8th January 2018 | Posted By: sruthi srt

മുംബൈ: മഹാരാഷ്ട്രാ സംഘര്‍ഷത്തിന് കാരണക്കാരനായ സംഘപരിവാര നേതാവ് സാംഭജി ബിണ്ഡേയെയും മിലിന്ദ് ഇക്‌ബോട്ടിനെയും അറസ്റ്റ് ചെയ്യരുതെന്ന് മഹാരാഷ്ട്രാ സര്‍ക്കാരിന് പ്രധാനമന്ത്രിയുടെ ഓഫിസ് നിര്‍ദേശം നല്‍കിയതായി ദലിത് നേതാവ് പ്രകാശ് അംബേദ്ക്കര്‍. സംസ്ഥാനത്തെ മന്ത്രിമാരിലൊരാളാണ് തന്നോട് ഇക്കാര്യം പറഞ്ഞതെന്നും അദ്ദേഹം വ്യക്തമാക്കി.

ഈ മാസം ഒന്നിന് പുനെയിലുണ്ടായ സംഘര്‍ഷത്തിന്റെ പശ്ചാത്തലത്തില്‍ ഇരുനേതാക്കള്‍ക്കുമെതിരേ പോലിസ് എഫ്‌ഐആര്‍ രജിസ്റ്റര്‍ ചെയ്തിരുന്നു. എന്നാല്‍ ഇവരെ ഇതുവരെ അറസ്റ്റ് ചെയ്തിട്ടില്ല. വിഷയത്തില്‍ സംസ്ഥാന സര്‍ക്കാര്‍ മൗനമാചരിക്കുന്നത് എന്തിനാണെന്ന് തനിക്ക് മനസിലാവുന്നില്ല. ജനത്തെ സമുദായത്തിന്റെ പേരില്‍ ഭിന്നിപ്പിക്കാന്‍ ശ്രമിക്കുന്നവരെ സര്‍ക്കാര്‍ എന്തിനാണ് സംരക്ഷിക്കുന്നതെന്നും അദ്ദേഹം ചോദിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss