|    Oct 16 Tue, 2018 11:04 am
FLASH NEWS

മഹല്ല് ജമാഅത്ത് പെന്‍ഷന്‍ പദ്ധതിക്ക് തുടക്കം

Published : 5th December 2017 | Posted By: kasim kzm

ആലപ്പുഴ: വടുതല കോട്ടൂര്‍ കാട്ടുപുറം പള്ളി ജമാഅത്ത് വിരമിച്ച ഇമാമുമാര്‍ക്കും മുഅദ്ദിന്‍മാര്‍ക്കും നടപ്പാക്കുന്ന പെന്‍ഷന്‍ പദ്ധതിയുടെ ഉദ്ഘാടനം വടുതല ഖാസി സയ്യിദ് പി എം എസ് തങ്ങള്‍ ശാഥ്വിരി വടുതല നിര്‍വഹിച്ചു. ജമാഅത്ത് പ്രസിഡന്റ് പി എ മൂസല്‍ഫൈസി ചടങ്ങില്‍ അധ്യക്ഷത വഹിച്ചു. ജമാഅത്തിന് കീഴിലുള്ള വിവിധ പള്ളികളില്‍ നിന്ന് വിരമിച്ച ഖത്വീബുമാര്‍, ഇമാമുമാര്‍, മുക്രിമാര്‍ എന്നിവരെയാണ് ആദ്യഘട്ടത്തില്‍ പെന്‍ഷന്‍ പദ്ധതിയിലുള്‍പ്പെടുത്തിയിട്ടുള്ളത്.ജമാഅത്തിന് കീഴിലെ വിവിധ സ്ഥാപനങ്ങളില്‍ നിന്ന് വിരമിച്ച മുഴുവന്‍ പേരെയും പദ്ധതിയിലുള്‍പ്പെടുത്തുമെന്ന് ജമാഅത്ത് പ്രസിഡന്റ് പി എ മൂസല്‍ ഫൈസി പറഞ്ഞു. ഇതോടനുബന്ധിച്ച് നടന്ന നബിദിന സമ്മേളനം വടുതല വി എം മൂസാ മൗലവി ഉദ്ഘാടനം ചെയ്തു.സക്കീര്‍ഹുസൈന്‍ അല്‍ അസ്ഹരി മുഖ്യപ്രഭാഷണം നടത്തി.കെ കെ അബ്ദുല്‍ഹമീദ് ബാഖവി, അബ്ദുര്‍റഹീം ഫൈസി, കെ എം കുഞ്ഞുമുഹമ്മദ് മൗലവി, എന്‍ എ അബ്ദുല്‍അസീസ് മൗലവി, ഷാജഹാന്‍ മൗലവി, ജമാഅത്ത് സെക്രട്ടറി കെ പി ഇബ്‌റാഹീം മാസ്റ്റര്‍, സി എം അബ്ദുന്നാസര്‍ ഹാജി സംസാരിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss