|    Aug 23 Wed, 2017 1:24 pm
FLASH NEWS

മഴ കനത്തിട്ടും ചാലക്കുടിപുഴയില്‍ നീരൊഴുക്ക് കൂടിയില്ല

Published : 22nd June 2017 | Posted By: fsq

 

ചാലക്കുടി: മഴ കനത്തിട്ടും ചാലക്കുടിപുഴയില്‍ നീരൊഴുക്ക് കൂടിയില്ല. ജൂണ്‍ ആദ്യവാരത്തോടെ നിറഞ്ഞും കരകവിഞ്ഞും ഒഴുകാറുള്ള ചാലക്കുടിപ്പുഴ ഇത്തവണ ഒരിക്കല്‍പോലും നിറഞ്ഞൊഴുകിയിട്ടില്ല. പുഴ കവിഞ്ഞൊഴുകി സമീപപ്രദേശങ്ങളിലെ പറമ്പുകള്‍ വെള്ളത്തിനടിയിലാകുന്ന കാഴ്ചയും ഇക്കൊല്ലം ഉണ്ടായില്ല. പുഴകരകവിഞ്ഞൊഴുകി പാടങ്ങളിലും തോടുകളിലും വെള്ളം നിറയുമ്പോഴാണ് ഉല്‍നാടന്‍ മത്സ്യബന്ധനം നടക്കാറ്. എന്നാല്‍ ഇത്തവണ അതും ഉണ്ടായില്ല. തടയണകള്‍ കവിഞ്ഞൊഴികയതൊഴിച്ചാല്‍ മറ്റൊന്നും ഈ മഴക്കാലസീസനില്‍ നടന്നില്ല. അനധികൃത മണല്‍വാരലിനെ തുടര്‍ന്ന് പുഴയുടെ ആഴം കൂടിയതും മലയോര മേഖലകളില്‍ മഴകുറഞ്ഞതുമാണ് പുഴയില്‍ വെള്ളം കുറയാന്‍ കാരണമായി പറയുന്നത്. മുന്‍ വര്‍ഷങ്ങളില്‍ മഴ അല്പമൊന്ന് കനത്താല്‍ പെരിങ്ങല്‍ ഡാം നിറയും. തുടര്‍ന്ന് ഡാമിലെ വെള്ളം പുഴയിലേക്ക് തുറന്ന് വിടുകയും ചെയ്യും. എന്നാല്‍ ഇത്തവണ ഒരു വട്ടം പോലും ഡാം തുറന്നിട്ടില്ല.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക