|    Aug 20 Mon, 2018 1:59 pm
FLASH NEWS
Home   >  Todays Paper  >  page 7  >  

മഴക്കാല ദുരിതാശ്വാസം: മുഖ്യമന്ത്രിക്ക് വിമര്‍ശനം

Published : 23rd July 2018 | Posted By: kasim kzm

ന്യൂഡല്‍ഹി: കുട്ടനാട്ടിലെ മഴക്കാല ദുരിതബാധിത മേഖലകള്‍ സന്ദര്‍ശിക്കാത്തതിന് മുഖ്യമന്ത്രി പിണറായി വിജയനെതിരേ വിമര്‍ശനവുമായി പ്രതിപക്ഷനേതാവ് രമേശ് ചെന്നിത്തല.
ദുരിതബാധിത മേഖലകള്‍ സന്ദര്‍ശിക്കാതെ മാറിനില്‍ക്കുന്ന മുഖ്യമന്ത്രി പിണറായി വിജയന്‍ കര്‍ക്കടക ചികില്‍സയിലാണോയെന്ന് ചെന്നിത്തല ചോദിച്ചു.
ദുരിതാശ്വാസ ക്യാംപുകള്‍ പോലും പ്രവര്‍ത്തിപ്പിക്കാന്‍ സാധിക്കാത്തവണ്ണം ബുദ്ധിമുട്ടിലായ ജനങ്ങള്‍ക്ക് ഭക്ഷണമെത്തിക്കാനുള്ള നീക്കവും ഇതുവരെ ഉണ്ടായിട്ടില്ല. കുറ്റകരമായ അനാസ്ഥയാണ് ഇക്കാര്യത്തില്‍ ഉണ്ടായിട്ടുള്ളത്. ദുരിതം അനുഭവിക്കുന്ന ഒരോരുത്തര്‍ക്കും അവശ്യമായ സഹായധനം നല്‍കണമെന്നും ചെന്നിത്തല ആവശ്യപ്പെട്ടു.
കടലാക്രമണം രൂക്ഷമാവുമ്പോഴും ആശ്വാസനടപടിയൊന്നും സംസ്ഥാന സര്‍ക്കാരിന്റെ ഭാഗത്തുനിന്നുണ്ടായിട്ടില്ല. കാലവര്‍ഷക്കെടുതി വിലയിരുത്താനെത്തിയ കേന്ദ്ര ആഭ്യന്തരമന്ത്രി കിരണ്‍ റിജിജു 80 കോടി അനുവദിച്ചെന്നു പ്രഖ്യാപിച്ച് ജനങ്ങളെ പറ്റിക്കുകയാണു ചെയ്തതെന്നും ചെന്നിത്തല പറഞ്ഞു.
800 കോടിയിലേറെ നഷ്ടമുണ്ടായിട്ടുണ്ടെന്നും കേന്ദ്രസഹായം നേടിയെടുക്കാന്‍ സംസ്ഥാന സര്‍ക്കാര്‍ ശക്തമായി ഇടപെടണമെന്നും അദ്ദേഹം ആവശ്യപ്പെട്ടു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss