|    Jan 21 Sat, 2017 4:25 pm
FLASH NEWS

മഴക്കാലപൂര്‍വ ശുചീകരണം: ബന്ധപ്പെട്ട വകുപ്പുകളുടെ യോഗം ഇന്ന്

Published : 27th May 2016 | Posted By: SMR

തിരുവനന്തപുരം: എല്‍ഡിഎഫ് മന്ത്രിസഭയുടെ ആദ്യ തീരുമാനമെന്ന നിലയില്‍ മഴക്കാലപൂര്‍വ ശുചീകരണവുമായി ബന്ധപ്പെട്ട വകുപ്പുകളുടെ അവലോകനയോഗം ഇന്നു ചേരും. മുഖ്യമന്ത്രി പിണറായി വിജയനാണ് യോഗം വിളിച്ചുചേര്‍ക്കാ ന്‍ നിര്‍ദേശം നല്‍കിയത്.
മഴക്കാലപൂര്‍വ ശുചീകരണം ഫലപ്രദമായി നടപ്പാക്കുന്നതില്‍ കാലതാമസം നേരിട്ടെ ന്ന് കഴിഞ്ഞ ദിവസം ചേര്‍ന്ന മന്ത്രിസഭായോഗം വിലയിരുത്തിയിരുന്നു.
മഴയെത്തുകയും വെള്ളപ്പൊക്കഭീഷണിയുണ്ടാവുമെന്ന് ദുരന്തനിവാരണ അതോറിറ്റി മുന്നറിയിപ്പു നല്‍കുകയും ചെയ്ത സാഹചര്യത്തില്‍ അടിയന്തരമായി മഴക്കാലപൂര്‍വ ശുചീകരണം നടപ്പാക്കണമെന്നു മന്ത്രി സഭ തീരുമാനിച്ചു. ഇതേത്തുടര്‍ന്നാണ് ഇന്നു രാവിലെ ഇതുമായി ബന്ധപ്പെട്ട വകുപ്പുകളുടെ യോഗം ചേരാന്‍ കാബിനറ്റ് തീരുമാനിച്ചത്.
അതിനിടെ, ഇന്നലെ ചുമതലയേറ്റ ആരോഗ്യമന്ത്രി കെ കെ ശൈലജ ടീച്ചര്‍ ആരോഗ്യവകുപ്പിലെ ഉന്നത ഉദ്യോഗസ്ഥരുമായി കൂടിക്കാഴ്ച നടത്തി നിലവിലെ സ്ഥിതിഗതികള്‍ വിലയിരുത്തി. ഇന്നു ചേരുന്ന യോഗത്തി ല്‍ വിശദമായ വിവരങ്ങള്‍ സമര്‍പ്പിക്കാനും മന്ത്രി നിര്‍ദേശം നല്‍കി. സെക്രട്ടേറിയറ്റില്‍ മന്ത്രിയുടെ ചേംബറിലായിരുന്നു കൂടിക്കാഴ്ച.
ആരോഗ്യവകുപ്പ് സെക്രട്ടറി രാജീവ് സദാനന്ദന്‍, ഹെല്‍ത്ത് സര്‍വീസ് ഡയറക്ടര്‍ ഡോ. ആര്‍ രമേശ്, കേരള മെഡിക്കല്‍ സര്‍വീസ് കോര്‍പറേഷന്‍ എം ഡി ജി ആര്‍ ഗോകുല്‍ സംബന്ധിച്ചു.

Share on FacebookShare on Google+Tweet about this on TwitterShare on LinkedIn
(Visited 36 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക