|    Feb 18 Sun, 2018 3:52 pm
FLASH NEWS
Home   >  Kerala   >  

മള്‍ട്ടിപ്ലക്‌സുകളില്‍ നിന്ന് ബാഹുബലി ഉള്‍പ്പെടെയുള്ള ചിത്രങ്ങള്‍ പിന്‍വലിച്ചു

Published : 21st May 2017 | Posted By: mi.ptk

കൊച്ചി: സംസ്ഥാനത്തെ മള്‍ട്ടിപ്ലക്‌സ് തിയേറ്ററുകളില്‍ നിന്ന് ബാഹുബലി 2 ഉള്‍പ്പെടെയുള്ള ചിത്രങ്ങള്‍ പിന്‍വലിച്ചു. തിയേറ്റര്‍ വിഹിതത്തെ ചൊല്ലിയുള്ള തര്‍ക്കത്തെ തുടര്‍ന്നാണ് സിനിമാ നിര്‍മ്മാതാക്കളും വിതരണക്കാരും ചിത്രങ്ങള്‍ പിന്‍വലിച്ചത്. നേരത്തെ ഇതേ പ്രശ്‌നത്തിന്റെ പേരില്‍ മലയാള ചിത്രങ്ങളായ ഗോദ, അച്ചായന്‍സ് തുടങ്ങിയ ചിത്രങ്ങള്‍ മള്‍ട്ടിപ്ലക്‌സ് തിയേറ്ററുകളില്‍ പ്രദര്‍ശിപ്പിച്ചിരുന്നില്ല.
തിയേറ്റര്‍ ലാഭവിഹിതത്തില്‍ വര്‍ധനവേണമെന്നതാണ് നിര്‍മ്മാതാക്കളുടെയും വിതരണക്കാരുടെയും ആവശ്യം. ലാഭവിഹിതം എ ക്ലാസ് തിയേറ്ററുകളുടേതിന് തുല്യമാക്കണം. എ ക്ലാസ് തിയേറ്ററുകളില്‍ ആദ്യ ആഴ്ച 60 ശതമാനം, രണ്ടാമത്തെ ആഴ്ച 55 ശതമാനം, മൂന്നാമത്തെ ആഴ്ച 50 ശതമാനം എന്നിങ്ങനെയാണ് നിര്‍മ്മാതാക്കള്‍ക്കും വിതരണക്കാര്‍ക്കും ലഭിക്കുന്ന ലാഭ വിഹിതം. എന്നാല്‍ മള്‍ട്ടിപ്ലക്‌സ് തിയേറ്ററുകളില്‍ ഇതിന് വ്യത്യാസമുണ്ട്. ഇവിടെ ആദ്യ ആഴ്ച 50 ശതമാനം, പിന്നീട് 45 ശതമാനം, 40 ശതമാനം എന്നിങ്ങനെയാണ് നിരക്ക്. ഈ രീതി മാറ്റണമെന്നതാണ് നിര്‍മ്മാതാക്കളുടെയും വിതരണക്കാരുടെയും ആവശ്യം.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss