|    Jan 20 Fri, 2017 11:21 am
FLASH NEWS

മല്‍സ്യശ്രീ അവാര്‍ഡ് വിതരണവും മല്‍സ്യത്തൊഴിലാളിസംഗമവും

Published : 2nd February 2016 | Posted By: SMR

ആലപ്പുഴ: മല്‍സ്യശ്രീ അവാര്‍ഡ് വിതരണം ആലപ്പുഴ കാമലോട്ട് കണ്‍വന്‍ഷന്‍ സെന്ററില്‍ ആഭ്യന്തരമന്ത്രി രമേശ് ചെന്നിത്തല നിര്‍വഹിച്ചു.
തീരദേശത്ത് മല്‍സ്യസമ്പത്ത് കുറയുന്നത് ആശങ്ക സൃഷ്ടിക്കുന്നതാണെന്നും ഇതിന്റെ ബുദ്ധിമുട്ടുകള്‍ നേരിടുന്ന പരമ്പരാഗത മല്‍സ്യത്തൊഴിലാളികളെ സംരക്ഷിക്കാന്‍ സര്‍ക്കാര്‍ എല്ലാ നടപടികളും എടുത്തുവരുന്നതായും ആഭ്യന്തര മന്ത്രി രമേശ് ചെന്നിത്തല പറഞ്ഞു. മല്‍സ്യസമ്പത്ത് കുറയുന്നതിന് പിന്നില്‍ കാലാവസ്ഥാ വ്യതിയാനവും ചൂടുകൂടുന്നതുമാണെന്ന് വിദഗ്ധര്‍ അഭിപ്രായപ്പെടുന്നു.
2014-15 ലെ മല്‍സ്യശ്രീ അവാര്‍ഡ് എമോസ് ഗ്രൂപ്പ് മരയനാട് സംഘം, ഗോകുലം ഗ്രൂപ്പ് നാട്ടിക, തൃശൂര്‍ എന്നിവര്‍ പങ്കിട്ടു. ഇവര്‍ക്ക് ഓരോലക്ഷം രൂപയും സ്മരണികയും നല്‍കി. രണ്ടാം സ്ഥാനത്ത് മരിയനാട് അന്തോണി ദാസ് ഗ്രൂപ്പും മൂന്നാം സ്ഥാനത്ത് ഷിബി സ്റ്റെല്ലാ ഗ്രൂപ്പ്, കൊല്ലവും എത്തി. ഏറ്റവും നല്ല പ്രാഥമിക സംഘമായി തിരുവനന്തപുരം മരിയനാട് സംഘം തിരഞ്ഞെടുക്കപ്പെട്ടു. തിരുവനന്തപുരം പുല്ലുവിള സംഘം രണ്ടാം സ്ഥാനവും മരിയനാട് പെരുമാതുറ സംഘം മൂന്നാം സ്ഥാനത്തും എത്തി.
മല്‍സ്യഫെഡ് ചെയര്‍മാന്‍ വി ദിനകരന്‍ അധ്യക്ഷത വഹിച്ചു. കെ സി വേണുഗോപാല്‍ എംപി അവാര്‍ഡ് വിതരണം നിര്‍വഹിച്ചു. മല്‍സ്യത്തൊഴിലാളി ഗ്രൂപ്പ് ഇന്‍ഷുറന്‍സ് പദ്ധതിയിലെ മികച്ച ജില്ലകള്‍ക്കുള്ള അവാര്‍ഡ് വിതരണം ഡോ. സ്റ്റീഫന്‍ അത്തിപ്പൊഴിയിലും നിര്‍വ്വഹിച്ചു. മല്‍സ്യഫെഡ് എംഡി വി ജി കിഷോര്‍ കുമാര്‍, മുന്‍ എംഎല്‍എ എ എ ഷുക്കൂര്‍, മല്‍സ്യഫെഡ് ഭരണസമിതിയംഗങ്ങള്‍ പങ്കെടുത്തു.

Share on FacebookShare on Google+Tweet about this on TwitterShare on LinkedIn
(Visited 47 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക