|    Jan 23 Tue, 2018 11:22 pm
FLASH NEWS

മല്‍സ്യങ്ങളില്‍ ഫോര്‍മാലിന്‍ ചേര്‍ക്കുന്നതായി കണ്ടെത്തി

Published : 7th January 2018 | Posted By: kasim kzm

തിരുവല്ല: നഗരത്തിലെ മീന്‍ ചാപ്രയില്‍ നിന്നും തിരുവല്ല സര്‍ക്കിള്‍ ഫുഡ് സേഫ്റ്റി ഓഫിസര്‍ സാമ്പിള്‍ എടുത്ത് തിരുവനന്തപുരം അനാലിസിസ് ലബോറട്ടറിയിലേക്ക് പരിശോധനയ്ക്ക് അയച്ച അയലയില്‍ ഫോര്‍മാലിന്‍ കണ്ടെത്തിയതായി റിപ്പോര്‍ട്ട് ലഭിച്ചു. കഴിഞ്ഞ ഒക്ടോബര്‍ 10നാണ് മഴുവങ്ങാട്ടെ മീന്‍ചാപ്രയില്‍ നിന്നും, അയല, മോദ, മത്തി, ചൂര എന്നീ മല്‍സ്യങ്ങളുടെ സാമ്പിളുകളാണ് ശേഖരിച്ച് പരിശോധനയ്ക്ക് അയച്ചത്. മൃതശരീരങ്ങള്‍ കേട്ടുകൂടാതെ സൂക്ഷിക്കുന്നതിന് ഉപയോഗിക്കുന്ന ഫോര്‍മാലിന്‍, അയലയുടെ പരിശോധനയില്‍ മാത്രമാണ് കണ്ടെത്തിയത്. മല്‍സ്യം ചീഞ്ഞു പോകാതിരിക്കാനാണ് കച്ചവടക്കാര്‍ ഫോര്‍മാലിന്‍ ഉപയോഗിക്കുക. താലൂക്ക് വികസന സമിതി യോഗങ്ങളില്‍ മീന്‍ ചാപ്രയിലെ മല്‍സ്യവില്‍പ്പനയെ കുറിച്ച് നിരന്തരം പരാതി ഉയരുന്നതിനാല്‍ ഇന്നലെ നടന്ന യോഗത്തില്‍ ഫുഡ് സേഫ്റ്റി ഓഫീസിലെ ഉദ്യോഗസ്ഥന്‍ റിപോര്‍ട്ട് അവതരിപ്പിക്കുകയായിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day