|    Oct 18 Thu, 2018 3:43 pm
FLASH NEWS
Home   >  Todays Paper  >  page 7  >  

മല്യക്കെതിരായ കുറ്റപത്രം ഒരു മാസത്തിനകം പുറത്തുവിടും

Published : 18th September 2018 | Posted By: kasim kzm

ന്യൂഡല്‍ഹി: വിജയ് മല്യക്ക് വന്‍ തുക വായ്പയെടുക്കാന്‍ സഹായം ചെയ്തുകൊടുത്ത മുതിര്‍ന്ന ബാങ്ക് ഉദ്യോഗസ്ഥരെയും പ്രതി ചേര്‍ത്തുള്ള കുറ്റപത്രം സിബിഐ ഒരു മാസത്തിനകം നല്‍കുമെന്നു സൂചന. കുറ്റപത്രത്തില്‍ പ്രതിചേര്‍ത്തവരില്‍ സര്‍വീസിലുള്ളവരും വിരമിച്ചവരുമായ മുതിര്‍ന്ന ഉദ്യോഗസ്ഥരുണ്ടെന്നാണു സൂചന. മല്യയെ കൂടാതെ ചീഫ് ഫിനാന്‍ഷ്യല്‍ ഓഫിസര്‍ എ രഘുനാഥന്‍ ഉള്‍പ്പെടെ പൂട്ടിപ്പോയ കിങ്ഫിഷര്‍ കമ്പനിയുടെ മുകളിലുള്ള മിക്കവരും പ്രതികളാവും. കേസില്‍ ധനമന്ത്രാലയത്തിന്റെ പങ്കും സിബിഐ അന്വേഷിക്കുന്നു. മല്യയെ സഹായിക്കുന്ന തീരുമാനമെടുക്കാന്‍ ബാങ്ക് ഉദ്യോഗസ്ഥരെ ഇവര്‍ സ്വാധീനിച്ചിട്ടുണ്ടോയെന്നാണ് അന്വേഷിക്കുക. കിങ്ഫിഷറും മറ്റു കമ്പനികളും കൂടെ ഏതാനും ആളുകളും ചേര്‍ന്നു ബാങ്കുകളെ കബളിപ്പിക്കാന്‍ ഗൂഢാലോചന നടത്തിയതായും കണ്ടെത്തിയിട്ടുണ്ട്.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss