|    Oct 21 Sat, 2017 9:36 pm
FLASH NEWS
Home   >  Todays Paper  >  page 11  >  

മലേസ്യ മാസ്‌റ്റേഴ്‌സ് ബാഡ്മിന്റണ്‍ ചാംപ്യന്‍ഷിപ്പ്; സിന്ധു, ശ്രീകാന്ത്ക്വാര്‍ട്ടറില്‍

Published : 22nd January 2016 | Posted By: SMR

പെനാങ് (മലേസ്യ): ഇന്ത്യന്‍ താരങ്ങളായ കെ ശ്രീകാന്തും പി വി സിന്ധു വും മലേസ്യ മാസ്‌റ്റേഴ്‌സ് ഗ്രാന്റ്പ്രി ബാഡ്മിന്റണ്‍ ടൂര്‍ണമെന്റിന്റെ പുരുഷ- വനിതാ വിഭാഗം സിംഗിള്‍സ് ക്വാര്‍ട്ടര്‍ ഫൈനലില്‍ കടന്നു. അനായാസജയത്തോടെയാണ് ഇരുവരും ഈ സീസണിലെ ആദ്യ ടൂ ര്‍ണമെന്റിന് തുടക്കം കുറിച്ചത്.
ജപ്പാന്റെ കരോയി ഇമാബെപ്പുവിനേയാണ് ലോക ചാംപ്യന്‍ഷിപ്പിലെ വെങ്കല മെഡല്‍ജേതാവ് സിന്ധു 21-13,13-21, 21-14 എന്ന സ്‌കോറിന് പരാജയപ്പെടുത്തിയത്. ഇമാബെപ്പുവിനെതിരേ സിന്ധുവിന്റെ മൂന്നാം വിജയമാണിത്. 2012ലും 13ലും നടന്ന ലോക ചാംപ്യന്‍ഷിപ്പിലാണ് സിന്ധു ഇതിനു മുമ്പ് ജപ്പാന്‍ താരത്തെ പരാജയപ്പെടുത്തിയത്.
തായ്‌ലന്‍ഡിന്റെ 16ാം സീഡ് ബൂണ്‍സാക് പൊന്‍സാനയെയാണ് രണ്ടാം സീഡ് ശ്രീകാന്ത് അടിയറവ് പറയിച്ചത്. സ്‌കോര്‍:21-17, 21-10, ചൈനയുടെ ലോക ഒമ്പതാം നമ്പര്‍ താരം ഹുയാങ് യുക്‌സിയാങാണ് ക്വാര്‍ട്ടറില്‍ ശ്രീകാന്ത് നേരിടുന്നത്.
എന്നാല്‍ വനിതാ ഡബിള്‍സില്‍ ഇന്ത്യന്‍ സൂപ്പര്‍ താരങ്ങളായ ജ്വാല ഗുട്ട-അശ്വിനി പൊന്നപ്പ സഖ്യം രണ്ടാം റൗണ്ടില്‍ തോറ്റ് പുറത്തായി. ജപ്പാന്റെ ഷിസുക്ക മാറ്റ്‌സുവോ-മാമി നെയ്‌റ്റോ സഖ്യത്തോടാണ് വെറും 37 മിനിറ്റ് മാത്രം നീണ്ട പോരാട്ടത്തില്‍ 14-21, 17-21 സ്‌കോറിന് ഇന്ത്യന്‍ താരങ്ങള്‍ തോല്‍വി സമ്മതിച്ചത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക