|    May 25 Fri, 2018 3:14 am
FLASH NEWS

മലയോര ഹൈവേയുടെ പാര്‍ശ്വഭിത്തി ഇടിഞ്ഞു

Published : 9th June 2017 | Posted By: fsq

 

ഇരിട്ടി: എടൂര്‍-കാരപ്പറമ്പ്-മണത്തണ മലയോര ഹൈവേയുടെ ഭാഗമായ പാലപ്പുഴയില്‍ റോഡിന്റെ പാര്‍ശ്വഭിത്തി ഇടിഞ്ഞ് റോഡ് അപകടഭീഷണിയിലായി. നിര്‍മാണം നടന്നുകൊണ്ടിരിക്കുന്ന ഹൈവേയുടെ പാലപ്പുഴ പുഴയോരത്തോട് കെട്ടിയ കരിങ്കല്ല് ഭിത്തി 35 മീറ്ററോളം ഇടിഞ്ഞു. മറ്റു ഭാഗങ്ങളില്‍ വിള്ളലുകളും രൂപം കൊണ്ടു. മൂന്നുമാസം മു—മ്പാണ് ഭിത്തിനിര്‍മാണം പൂര്‍ത്തീകരിച്ചത്. മൂന്നു പഞ്ചായത്തുകളിലൂടെ കടന്നുപോവുന്ന ഹൈവേയുടെ നിര്‍മാണം പൂര്‍ത്തിയായിവരികയാണ്. കൊട്ടിയൂര്‍ ഉല്‍സവ സീസണിലെ തിരക്ക് കണക്കിലെടുത്ത് ഇരിട്ടി ഭാഗത്തുനിന്ന് വരുന്ന തീര്‍ത്ഥാടകരുടെ വാഹനങ്ങള്‍ മലയോര ഹൈവേ വഴി തിരിച്ചുവിടാനായിരുന്നു അധികൃതരുടെ തീരുമാനം. പാര്‍ശ്വഭിത്തി ഇടിഞ്ഞതോടെ വലിയ വാഹനങ്ങള്‍ ഇതുവഴി കടന്നുപോവുന്നത് അപകടഭീഷണിയായിരിക്കുകയാണ്.  ഒവുചാല്‍ നിര്‍മിക്കാതെ നടത്തിയ പ്രവര്‍ത്തനങ്ങളാണ് അപകടസാധ്യത വര്‍ധിക്കാന്‍ കാരണം. ഇടിഞ്ഞ ഭാഗം കെട്ടി സംരക്ഷിക്കാനുള്ള പ്രവര്‍ത്തനങ്ങളും അരംഭിച്ചിട്ടുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss