|    Sep 19 Wed, 2018 5:21 am
FLASH NEWS
Home   >  Todays Paper  >  Page 4  >  

മലയാളി സിറിയയില്‍ കൊല്ലപ്പെട്ടതായി സന്ദേശം

Published : 1st May 2017 | Posted By: fsq

 

പാലക്കാട്: അല്‍ഖാഇദയില്‍ ചേര്‍ന്നെന്നു സംശയിക്കുന്ന പാലക്കാട് പുതുപ്പരിയാരം സ്വദേശി അബു താഹിര്‍ സിറിയയില്‍ കൊല്ലപ്പെട്ടതായി ബന്ധുക്കള്‍ക്ക് സന്ദേശം ലഭിച്ചു. ഇക്കഴിഞ്ഞ ഏപ്രില്‍ 4ന് സിറിയയില്‍ യുഎസ് സൈന്യം നടത്തിയ ആക്രമണത്തില്‍ ഇയാള്‍ കൊല്ലപ്പെട്ടെന്ന വിവരം ഖത്തറിലുള്ള ബന്ധുവിനാണ് ആദ്യം ലഭിച്ചത്. കേരളത്തിലെ രഹസ്യാന്വേഷണ ഏജന്‍സികള്‍ക്കും ഇതുസംബന്ധിച്ച വിവരമുണ്ടായിരുന്നെങ്കിലും ഔദ്യോഗിക സ്ഥിരീകരണം ലഭിച്ചിട്ടില്ല. സിറിയയിലുള്ള ചില സുഹൃത്തുക്കള്‍ മുഖേനയാണ് ബന്ധുവിന് സന്ദേശം ലഭിച്ചത്. ഖത്തറിലുള്ള പിതാവിന്റെ അടുത്തേക്കെന്നു പറഞ്ഞ് 2013 ജൂണിലാണ് അബു താഹിര്‍ വിദേശത്തേക്കു പോയത്. പിന്നീട് ഉംറയ്ക്കു പോകുന്നുവെന്നും വീട്ടുകാരെ അറിയിച്ചു. പിന്നീട് ഏറെക്കാലത്തേക്ക് വിവരമൊന്നും ഉണ്ടായിരുന്നില്ല. താന്‍ സിറിയയില്‍ എത്തി അല്‍ഖാഇദയില്‍ ചേര്‍ന്നെന്ന് ഇയാള്‍ പിന്നീട് വീട്ടുകാരെ അറിയിക്കുകയായിരുന്നെന്നാണ് വിവരം. കേന്ദ്ര ഇന്റലിജന്‍സ് ഏജന്‍സികളും ഇക്കാര്യം സ്ഥിരീകരിച്ചിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss