|    Sep 26 Wed, 2018 9:18 am
FLASH NEWS
Home   >  Todays Paper  >  page 12  >  

മലയാളിക്ക് വീണ്ടും ഭാഗ്യകടാക്ഷം; ഇത്തവണ 18.2 കോടിയുടെ തിളക്കം

Published : 4th June 2018 | Posted By: kasim kzm

അബൂദബി: അബൂദബി ബിഗ് ടിക്കറ്റ് നറുക്കെടുപ്പില്‍ പ്രവാസി മലയാളിക്ക് ഭാഗ്യകടാക്ഷം. അബൂദബി രാജ്യാന്തര വിമാനത്താവളത്തില്‍ ഇന്നലെ രാവിലെ നടന്ന നറുക്കെടുപ്പില്‍ നൈജീരിയയില്‍ വ്യവസായിയായ ഡിക്‌സണ്‍ കാട്ടിത്തറ എബ്രഹാമിന് 18,22,25,000 രൂപ (10 ലക്ഷം ദിര്‍ഹം) സമ്മാനം ലഭിച്ചു. 012027 നമ്പര്‍ ടിക്കറ്റിനാണ് സമ്മാനം ലഭിച്ചത്. എന്നാല്‍, വിജയിയെക്കുറിച്ചുള്ള കൂടുതല്‍ വിവരം അധികൃതര്‍ പുറത്തുവിട്ടിട്ടില്ല.
നറുക്കെടുപ്പിലെ മറ്റു വിജയികളില്‍ അഞ്ചുപേര്‍ ഇന്ത്യക്കാരും മൂന്നുപേര്‍ പാകിസ്താനികളും ഒരാള്‍ യുഎഇ സ്വദേശിയുമാണ്. ഇതില്‍ ലാന്‍ഡ്‌റോവര്‍ സമ്മാനമായി നേടിയത് മലയാളിയായ രാഘവന്‍ സുദര്‍ശനനാണ്. ഈ വര്‍ഷം ഫെബ്രുവരിയില്‍ തൃശൂര്‍ വരന്തരപ്പിള്ളി സ്വദേശി ശ്രീരാജ് കൃഷ്ണന് നറുക്കെടുപ്പില്‍ 12 കോടി രൂപ സമ്മാനമായി ലഭിച്ചിരുന്നു. ആഗസ്തില്‍ കൃഷ്ണറാം രാജു തൊചിച്ചു എന്ന ആന്ധ്രപ്രദേശുകാരനായിരുന്നു ഭാഗ്യവാന്‍.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss