|    Dec 12 Tue, 2017 12:02 pm

മലബാര്‍ മെഡിക്കല്‍ കോളജ് സമരം: അത്തോളി-കുറ്റിയാടി റോഡ് ഉപരോധിച്ചു

Published : 15th March 2016 | Posted By: SMR

അത്തോളി: കഴിഞ്ഞ 21 ദിവസമായി മലബാര്‍ മെഡിക്കല്‍ കോളജിലെ നഴ്‌സുമാര്‍ നടത്തിവരുന്ന നിരാഹാരസമരത്തിന്റെ ഭാഗമായി ആള്‍ കേരള യുനൈറ്റഡ് നഴ്‌സിങ് അസോസിയേഷന്‍(യുഎന്‍എ)യുടെ ആഭിമുഖ്യത്തില്‍ കോളജിന് മുമ്പിലെ അത്തോളി കുറ്റിയാടി റോഡ് സമരക്കാര്‍ ഉപരോധിച്ചു.
മൂന്ന് ട്രെയിനിങ് നഴ്‌സിങ് ട്രെയിനികളെ അന്യായമായി പിരിച്ചുവിട്ടതിലും ചോദ്യം ചെയ്ത യൂനിയന്‍ നേതാവിനെ സസ്‌പെന്റു ചെയ്തതിലും പ്രതിഷേധിച്ചാണ് നിരാഹാരസമരം ആരംഭിച്ചത്. പതിവുപോലെ സമരപന്തലിലേക്ക് രാവിലെ പ്രവേശിക്കുമ്പോള്‍ പോലിസ് തടഞ്ഞതില്‍ പ്രതിഷേധിച്ചാണ് റോഡ് ഉപരോധിച്ചത്. ഉപരോധ സമരം യുഎന്‍എ സ്‌റ്റേറ്റ് പ്രസിഡന്റ് ജാന്‍സ്മിന്‍ഷ ഉദ്ഘാടനം ചെയ്തു. പി സുജനപാല്‍ അധ്യക്ഷതവഹിച്ചു. ജിതിന്‍ ലോഹ്യ, നിഷാബ് മുല്ലോളി, എന്‍സിപി ജില്ലാ പ്രസിഡന്റ് മുക്കം മുഹമ്മദ്, ഡിസിസി ജനറല്‍ സെക്രട്ടറി ഐ പി രാജേഷ്, സന്ദീപ് വേങ്ങേരി സംസാരിച്ചു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക