|    Oct 18 Wed, 2017 1:17 pm
FLASH NEWS
Home   >  Kerala   >  

മലപ്പുറത്ത് 79 ലക്ഷം രൂപയുടെ കഴല്‍പ്പണം പിടികൂടി; വേങ്ങര സ്വദേശികളായ രണ്ടു പേര്‍ പിടിയില്‍

Published : 10th October 2017 | Posted By: mi.ptk

മലപ്പുറം: മലപ്പുറത്ത് 79 ലക്ഷം രൂപയുടെ കഴല്‍പ്പണം പിടികൂടി.കുറ്റിപ്പുറം റെയില്‍വേ സ്‌റ്റേഷനില്‍ വെച്ചാണ് പണം പിടികൂടിയത്. സംഭവത്തില്‍ വേങ്ങര സ്വദേശികളായ രണ്ടുപേരെ പോലീസ് പിടികൂടി. വേങ്ങര സ്വദേശികളായ അബ്ദു റഹ്മാന്‍, സിദ്ധീഖ് എന്നിവരാണ് പിടിയിലായത്. വേങ്ങര തിരഞ്ഞെടുപ്പുമായി ബന്ധപ്പെട്ട് നടന്ന പരിശോധനയിലാണ് പണം പിടികൂടിയത്.
വേങ്ങരയിലേക്ക് കൊണ്ടുവരികയായിരുന്ന പണമാണ് പിടികൂടിയതെന്ന് പോലീസ് പറഞ്ഞു. കുറ്റിപ്പുറം റെയില്‍വേ സ്‌റ്റേഷനില്‍ ഇറങ്ങി കാര്‍ മാര്‍ഗം പണം വേങ്ങരയിലെത്തിക്കാനാണ് പ്രതികള്‍ ലക്ഷ്യം വെച്ചിരുന്നതെന്നും  ഇവരില്‍ നിന്ന് 79.46 ലക്ഷം രൂപ കണ്ടെടുത്തതായും പോലീസ് പറഞ്ഞു. കഴിഞ്ഞ ദിവസം 9ലക്ഷം രൂപ പോലീസ് പിടികൂടിയിരുന്നു. തുടര്‍ പരിശോധനകളുണ്ടാവുമെന്ന് പോലീസ് അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക