|    Jan 16 Mon, 2017 6:39 pm

മലപ്പുറം വളാഞ്ചേരിയില്‍ വാഹനാപകടം; നാലു യുവാക്കള്‍ മരിച്ചു

Published : 24th April 2016 | Posted By: swapna en

accident

 മലപ്പുറം: വളാഞ്ചേരിക്ക് സമീപം കോട്ടപ്പുറം ജുമാ മസ്ജിദിനു മുന്നില്‍ ഇന്നു പുലര്‍ച്ചെ ഉണ്ടായ വാഹനാപകടത്തില്‍ നാലു യുവാക്കള്‍ മരിച്ചു. ചരക്കുലോറി ഇവരുടെ ബൈക്കിലേക്ക് പാഞ്ഞുകയറുകയായിരുന്നു. വളാഞ്ചേരി ചങ്ങമ്പള്ളി റോഡ് മുളക്കല്‍ അബുവിന്റെ മകന്‍ ഫാസില്‍(24), കോട്ടപ്പുറം ചുഴലിപ്പുറത്ത് മുസ്തഫയുടെ മകന്‍ മുഹമ്മദ് നൗഷാദ്(23), കരിയങ്ങാട്ടുകാവ് അബ്ദുല്‍ നാസറിന്റെ മകന്‍ റംസീഖ്(25),     മാരാങ്കുന്ന് കാരാപറമ്പില്‍ റഷീദിന്റെ മകന്‍ നിഹാല്‍ എന്നിവരാണ് മരിച്ചത്.  നിഹാലിനെ ഗുരുതര പരിക്കുകളോടെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചിരുന്നു.എന്നാല്‍  10.30 ഓടെ മരണപ്പെടുകയായിരുന്നു. മറ്റ് മൂന്നുപേര്‍ അപകടസ്ഥലത്ത് വച്ചു തന്നെ മരിച്ചിരുന്നു.

പ്രദേശത്തെ രാത്രികാല ക്രിക്കറ്റ് ടൂര്‍ണ്ണമെന്റ് കളിക്കാരും സംഘാടകരുമാണ് അപകടത്തില്‍പ്പെട്ടത്.  പുലര്‍ച്ചെ 4.30 ഓടെ പള്ളിക്കു മുന്നില്‍ ബൈക്ക് നിര്‍ത്തി സംസാരിക്കുകയായിരുന്ന ഇവര്‍ക്കിടയിലേക്ക് നിയന്ത്രണം വിട്ട ചരക്കലോറി പാഞ്ഞുകയറുകയായിരുന്നു.

Share on FacebookShare on Google+Tweet about this on TwitterShare on LinkedIn
(Visited 438 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക