|    Dec 14 Fri, 2018 2:48 am
FLASH NEWS
Home   >  Todays Paper  >  Page 4  >  

മര്‍ദനം: പോലിസുകാരെ ചോദ്യംചെയ്തു

Published : 13th June 2018 | Posted By: kasim kzm

ആലുവ: എടത്തലയില്‍ ഉസ്മാനെ കസ്റ്റഡിയില്‍ എടുത്ത് ക്രൂര—മായി മര്‍ദിച്ച സംഭവത്തില്‍ ആരോപണ വിധേയരായ മൂന്നു പോലിസുകാരെ ചോദ്യംചെയ്തു. അന്വേഷണച്ചുമതല വഹിക്കുന്ന ക്രൈംബാഞ്ച് ഡിവൈഎസ്പി ഉദയഭാനുവാണ് എഎസ്‌ഐ പുഷ്പരാജ്, സീനിയര്‍ സിപിഒ ജലീല്‍, സിപിഒ അഫ്‌സല്‍ എന്നിവരെ ചോദ്യംചെയ്തത്. കളമശ്ശേരി എ ആര്‍ ക്യാംപില്‍ വച്ചായിരുന്നു ചോദ്യംചെയ്യല്‍. ഉസ്മാനെ മര്‍ദിച്ച സംഭവത്തില്‍ ഇവരെ എ ആര്‍ ക്യാംപിലേക്ക് സ്ഥലംമാറ്റിയിരുന്നു. മര്‍ദനമേറ്റ് ചികില്‍സയില്‍ കഴിയുന്ന ഉസ്മാനെ തിങ്കളാഴ്ച വൈകീട്ട് ആശുപത്രിയില്‍ എത്തിയ ഡിവൈഎസ്പി ചോദ്യംചെയ്തിരുന്നു. ഉസ്മാനെ കോടതിയുടെ പ്രത്യേക അനുമതിയെ തുടര്‍ന്നാണു ചോദ്യംചെയ്തത്. പ്രകോപനം സൃഷ്ടിച്ച് ആദ്യം കൈയേറ്റം നടത്തിയത് ഉസ്മാനാണെന്ന നിലാപാടിലാണു പോലിസുകാര്‍. അതേസമയം, പോലിസ് അകാരണമായി മ ര്‍ദിക്കുകയായിരുന്നുവെന്ന നിലപാട് ഉസ്മാന്‍ ആവര്‍ത്തിച്ചു. സംഭവത്തിലെ മുഖ്യസാക്ഷി കാറിലുണ്ടായിരുന്ന പോക്‌സോ കേസിലെ പ്രതി സിദ്ധാ ര്‍ഥും റിമാന്‍ഡിലാണ്. ഇയാളെ അന്വേഷണ സംഘം കസ്റ്റഡിയില്‍ വാങ്ങി മൊഴിയെടുക്കും.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss