|    May 24 Wed, 2017 12:26 am
FLASH NEWS

‘മരമനുഷ്യന്’ 15 ശസ്ത്രക്രിയകള്‍ വേണം: ഡോക്ടര്‍മാര്‍

Published : 1st March 2016 | Posted By: SMR

ധക്ക: മരമനുഷ്യന്‍ എന്ന അപരനാമത്തില്‍ അറിയപ്പെടുന്ന ബംഗ്ലാദേശിലെ അബുല്‍ ബജന്ദറിന്(26) വൃക്ഷത്തിന്റെ തൊലി പോലെ കൈകാലുകളില്‍ വളരുന്ന അരിമ്പാറ നീക്കം ചെയ്യാന്‍ 15ഓളം ശസ്ത്രക്രിയകള്‍ വേണ്ടിവരുമെന്ന് ഡോക്ടര്‍മാര്‍.
ബജന്ദറിന്റെ വലതുകൈയില്‍ കഴിഞ്ഞ ദിവസം ശസ്ത്രക്രിയ നടത്തിയെങ്കിലും അരിമ്പാറയുടെ വളര്‍ച്ച നിയന്ത്രിക്കാന്‍ സാധിച്ചിട്ടില്ലെന്ന് ധക്ക മെഡിക്കല്‍ കോളജ് ആശുപത്രി ഡയറക്ടര്‍ സാമന്ത ലാ സെന്‍ അറിയിച്ചു. 10 വര്‍ഷം മുമ്പാണ് ബജന്ദറിന്റെ കൈകളില്‍ അരിമ്പാറകള്‍ വളരാന്‍ തുടങ്ങിയത്.
അഞ്ചു കിലോയോളം ഭാരം വരുന്ന അരിമ്പാറകള്‍ ശസ്ത്രക്രിയയിലൂടെ നീക്കം ചെയ്യാന്‍ കഴിഞ്ഞ മാസം ബജന്ദര്‍ ആശുപത്രിയിലെത്തി. ഏതാനും ഭാഗം മുറിച്ചുമാറ്റിയെങ്കിലും അരിമ്പാറയുടെ വളര്‍ച്ച പൂര്‍ണമായും നിര്‍ത്താന്‍ 15 ശസ്ത്രക്രിയകളെങ്കിലും വേണ്ടിവരുമെന്നും ഇതിന് ആറുമാസം മുതല്‍ ഒരു വര്‍ഷം വരെ സമയം ആവശ്യമാണെന്നും ഡോക്ടര്‍മാര്‍ പറഞ്ഞു.
തെക്കന്‍ ജില്ലയായ ഖുല്‍നയാണ് ബജന്ദറിന്റെ ഗ്രാമം. എത്ര സമയമെടുത്താലും ചികില്‍സയുമായി മുന്നോട്ടുപോകുമെന്ന് ബജന്ദര്‍ അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day