|    Nov 16 Fri, 2018 10:42 am
FLASH NEWS

മരം വീണ് സര്‍വകലാശാലയിലെ 19 വൈദ്യുതിത്തൂണുകള്‍ തകര്‍ന്നു

Published : 2nd June 2017 | Posted By: fsq

 

തൃശൂര്‍: ശക്തമായ മഴയില്‍ കഴിഞ്ഞ ദിവസങ്ങളില്‍ വൈദ്യുതി ലൈനിലേക്ക് മരം കടപുഴകി വീണ് വെള്ളാനിക്കര കാര്‍ഷിക സര്‍വകലാശാല അങ്കണത്തിലെ 19 വൈദ്യുതി പോസ്റ്റുകള്‍ തകര്‍ന്നു. ഇതോടെ ഈ പ്രദേശത്തെ വൈദ്യുതി വിതരണം തടസപ്പെട്ടു. കഴിഞ്ഞ ദിവസം ഹോര്‍ട്ടികള്‍ച്ചര്‍ കോളജിന്റെ ഭാഗത്തെ 11 പോസ്റ്റുകള്‍ക്കാണ് നാശം സംഭവിച്ചത്. ഇതുമൂലം ആറാംകല്ല് ഭാഗത്തെ 2 ട്രാന്‍സ്‌ഫോമറുകള്‍ ഓഫ് ചെയ്ത് പണികള്‍ നടത്തുകയായിരുന്നു. ഇതിനിടയിലാണ് ഇന്നലെ പുലര്‍ച്ചെ കാമ്പസിന്റെ പടിഞ്ഞാറു ഭാഗത്തെ വൈദ്യുതി ലൈനിലേക്ക് പൂമരം കടപുഴകി വീണ് 8 പോസ്റ്റുകള്‍ തകര്‍ന്നത്. ഇതുമൂലം സര്‍വ്വകലാശാലയിലെ 2 ട്രാന്‍സ്‌ഫോര്‍മറും ഓഫ് ചെയ്തു. സമീപ പ്രദേശങ്ങളില്‍ 35ഓളം വീടുകളിലെ വൈദ്യുതി വിതരണം തടസപ്പെട്ടിരിക്കുകയാണ്. ഹോര്‍ട്ടികള്‍ച്ചര്‍ ഭാഗത്തെ വൈദ്യുതി വിതരണം ഇന്നലെ വൈകീട്ടോടെ പ്രവര്‍ത്തനസജ്ജമായെങ്കിലും പടിഞ്ഞാറെ ഭാഗത്തെ പോസ്റ്റുകള്‍ മാറ്റി സ്ഥാപിക്കാന്‍ 2 ദിവസമെടുക്കുമെന്ന് കെഎസ്ഇ ബി അധികൃതര്‍ പറഞ്ഞു. കാമ്പസിലെ അപകടാവസ്ഥയിലായ മരങ്ങള്‍ മുറിച്ചു മാറ്റാന്‍ സര്‍വ്വകലാശാല അധികൃതര്‍ക്ക് നിര്‍ദ്ദേശം നല്‍കിയിരുന്നതായും ഇതു സംബന്ധിച്ച് വൈസ് ചാന്‍സിലര്‍ക്ക് രേഖാമൂലം അറിയിപ്പ് നല്‍കുമെന്നും കെഎസ്ഇബി ഉദ്യോഗസ്ഥര്‍ അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss