|    Sep 20 Thu, 2018 12:25 am
FLASH NEWS
Home   >  Todays Paper  >  Page 1  >  

മരം വീണ് ട്രെയിനുകള്‍ വൈകി

Published : 10th June 2018 | Posted By: kasim kzm

ഫറോക്ക്: കാറ്റില്‍ തണല്‍മരവും തെങ്ങും വൈദ്യുതിലൈനിന് മുകളിലൂടെ ട്രാക്കില്‍ വീണ് ഷൊര്‍ണൂര്‍-മംഗലാപുരം റൂട്ടില്‍ ആറ് മണിക്കൂര്‍ ട്രെയിന്‍ഗതാഗതം തടസ്സപ്പെട്ടു. കടലുണ്ടി ഗേറ്റിന് 100 മീറ്ററോളം വടക്കായി പടിഞ്ഞാറെ ട്രാക്കില്‍ ഇന്നലെ രാവിലെ 6.15ഓടെയായിരുന്നു സംഭവം. സമീപത്തെ പറമ്പിലെ തണല്‍മരം കാറ്റില്‍ മുറിഞ്ഞ് വൈദ്യുതീകൃത ട്രാക്കിലേക്ക് വീഴുകയായിരുന്നു. മരത്തോടൊപ്പം തൊട്ടടുത്ത തെങ്ങും മുറിഞ്ഞുവീണു. ഈ സമയത്ത് കടന്നുപോവേണ്ട കോഴിക്കോട്-തിരുവനന്തപുരം ജനശതാബ്ദി എക്‌സ്പ്രസ് ഫറോക്ക് സ്റ്റേഷന്‍ വിട്ടിരുന്നു. ഇത് വഴിയില്‍ പിടിച്ചിട്ടു. തിരുവനന്തപുരം-മംഗലാപുരം എക്‌സ്പ്രസ് വള്ളിക്കുന്നിലും പിടിച്ചിട്ടു.
വൈദ്യുതിക്കമ്പികള്‍ പലയിടങ്ങളിലായി തകരാറിലായതോടെ ട്രാക്കില്‍ നിന്ന് മരം മുറിച്ചുമാറ്റിയിട്ടും ഗതാഗതം പുനസ്ഥാപിക്കാനായില്ല. 11.30ഓടെ ലൈനുകള്‍ ശരിയാക്കി ട്രാക്ക് ഗതാഗത സജ്ജമാക്കിയെങ്കിലും വൈദ്യുതി ചാര്‍ജ് ചെയ്യാന്‍ പിന്നെയും രണ്ട് മണിക്കൂറെടുത്തു. വിവിധ ട്രെയിനുകള്‍ ഒരു മണിക്കൂര്‍ മുതല്‍ 6 മണിക്കൂര്‍ വരെ വൈകി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss