|    Dec 14 Fri, 2018 1:39 am
FLASH NEWS

മരം കടപുഴകി; അട്ടപ്പാടി ചുരം റോഡില്‍ ഗതാഗതം മുടങ്ങി

Published : 11th June 2018 | Posted By: kasim kzm

മണ്ണാര്‍ക്കാട്: മഴയിലും കാറ്റിലും മരം വീണ് അട്ടപ്പാടി ചുരം റോഡില്‍ ഗതാഗതം മുടങ്ങി. ഇന്നലെ പുലര്‍ച്ചെയാണ് ആനമൂളിയിലും ശനിയാഴ്ച്ച രാത്രി മന്തംപൊട്ടിയിലുമാണ് മരം വീണത്. മരം കടപുഴകിയതോടെ ഇതുവഴിയുള്ള ഗതാഗതം പൂര്‍ണമായും നിലച്ചു.
പതിനൊന്ന് മണിയോടെയാണ് ഗതാഗതം പുനസ്ഥാപിച്ചത്. അഗ്‌നിശമന സേന പുലര്‍ച്ചെ മുതല്‍ മണിക്കൂറോളം ശ്രമിച്ചാണ് ഗതാഗതം പുനസ്ഥാപിക്കാനായത്.
ചുരത്തില്‍ പലയിടത്തും മരങ്ങള്‍ കടപുഴകി വീഴാനുള്ള സാധ്യത ഏറെയാണ്.  മഴ ശക്തി പ്രാപിച്ചതോടെ ചുരത്തിലൂടെയുളള യാത്ര സുരക്ഷിതമല്ലാതായി.നൂറിലേറെ മരങ്ങള്‍ മുറിച്ചുമാറ്റുന്നതിന് തീരുമാനിച്ചിരുന്നുവെങ്കിലും നടപടിക്രമങ്ങളിലെ മെല്ലെപ്പോക്ക് കാരണം മരം മുറി നടന്നില്ല.
ചുഴലിക്കാറ്റില്‍ കുമരംപുത്തൂര്‍ കാരാപ്പാടത്ത് ആയിരക്കണക്കിന് വാഴകള്‍ നശിച്ചു. ഐലക്കര മുഹമ്മദാലി, തുവ്വശ്ശേരി സലീം, കക്കാടന്‍ മുഹമ്മദ്, തുവ്വശ്ശേരി നവാസ്, ഷമീര്‍ പൊതുവായില്‍, മുഹമ്മദാലി ചെമ്മലങ്ങാടന്‍ തുടങ്ങിയവരുടെ വാഴകളാണ് നശിച്ചത്. വാഴകള്‍ക്ക് താങ്ങ് കൊടുത്തിരുന്നെങ്കിലും കാറ്റില്‍ നിലം പൊത്തുകയായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss