|    May 28 Sun, 2017 8:35 pm
FLASH NEWS

മന്ത്രിക്ക് വഴിയൊരുക്കല്‍: കാര്‍ യാത്രക്കാരനെ റോഡില്‍ തടഞ്ഞ് പീഡിപ്പിച്ചു

Published : 2nd June 2016 | Posted By: SMR

കാലടി: പെരുമ്പാവൂര്‍ ട്രാഫിക് പോലിസ് എംസി റോഡില്‍ അഴിഞ്ഞാടി. കഴിഞ്ഞദിവസം താന്നിപ്പുഴയിലായിരുന്നു കാര്‍ യാത്രക്കാരനെ തടഞ്ഞിട്ട് പീഡിപ്പിച്ചത്. മന്ത്രി വാഹനത്തിന് എസ്‌കോര്‍ട്ട് വന്ന ജീപ്പിലെ എസ്‌ഐ കാര്‍യാത്രികനായ ഫ്രാന്‍സിസ് ഞാളിയനെയാണ് അസഭ്യവര്‍ഷം ചൊരിഞ്ഞ് പീഡിപ്പിച്ചത്. പെരുമ്പാവൂരില്‍നിന്ന് കാലടിക്കു വരുമ്പോള്‍ താന്നിപ്പുഴയില്‍ എത്തിയപ്പോള്‍ പിറകില്‍നിന്ന് കാതടപ്പിക്കുന്ന ഹോണടി കേട്ട് കാര്‍ സൈഡൊതുക്കുകയായിരുന്നു. വൈകീട്ട് 4.30ന് റോഡില്‍ നിറയെ ആളുകളുണ്ടായിരുന്നു.
തുടര്‍ന്ന് ജീപ്പ് ഒതുക്കിയശേഷം ഇറങ്ങിവന്ന എസ്‌ഐ കേട്ടാല്‍ അറയ്ക്കുന്ന ഭാഷയില്‍ അസഭ്യം ചൊരിയുകയാണുണ്ടായത്. കൂടാതെ ആയിരം രൂപ പിഴയടക്കണമെന്ന ആക്രോശവും. ഹോണ്‍ കേട്ടയുടന്‍ തന്റെ വാഹനം സൈഡൊതുക്കിയെന്നും ഒരു തെറ്റും ചെയ്തിട്ടില്ലെന്നും ഫ്രാന്‍സിസ് പറയുന്നു. നിരവധിയാളുകള്‍ നോക്കി നില്‍ക്കെയാണ് തന്റെ നേര്‍ക്കുള്ള പോലിസിന്റെ പരാക്രമമെന്നും ഞാളിയന്‍ വിശദമാക്കി.
താന്‍ കാര്‍ ഒതുക്കി 10 മിനിറ്റ് കഴിഞ്ഞാണ് മന്ത്രിവാഹനം കടന്നു പോയതെന്നും ഫ്രാന്‍സിസ് ഞാളിയന്‍ ചൂണ്ടിക്കാട്ടി. ഇതുസംബന്ധിച്ച് ഉന്നതതലങ്ങളില്‍ പരാതി നല്‍കുമെന്നും അദ്ദേഹം വ്യക്തമാക്കി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day