|    Jun 23 Sat, 2018 11:38 pm
FLASH NEWS
Home   >  Todays Paper  >  page 12  >  

മനുഷ്യാവകാശ പ്രവര്‍ത്തകര്‍ ഒരുമിക്കേണ്ട സമയം അതിക്രമിച്ചു : ഗൗതം നവ്‌ലാഖ

Published : 18th May 2017 | Posted By: fsq

 

ന്യൂഡല്‍ഹി: പ്രത്യയശാസ്ത്രപരമായ അഭിപ്രായ വ്യത്യാസങ്ങള്‍ മാറ്റിനിര്‍ത്തി മനുഷ്യാവകാശ പ്രവര്‍ത്തകര്‍ ഒരുമിച്ചു പ്രവര്‍ത്തിക്കേണ്ട സമയം അതിക്രമിച്ചിരിക്കുന്നുവെന്ന് പ്രമുഖ മനുഷ്യാവകാശ പ്രവര്‍ത്തകന്‍ ഗൗതം നവ്‌ലാഖ. ഡല്‍ഹിയി ല്‍ ദേശീയ മനുഷ്യാവകാശ ഏകോപന സമിതി (എന്‍സിഎച്ച്ആര്‍ഒ)യുടെ ഓഫിസ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. രാജ്യത്തെ കര്‍ഷകരും ദലിതുകളും വനിതകളും കശ്മീരികളും നേരിടുന്നത് വലിയ പ്രശ്‌നങ്ങളാണ്. ഇവര്‍ക്കു വേണ്ടി മണ്ണിലിറങ്ങി അടിത്തട്ടിലുള്ള പ്രവര്‍ത്തനമാണ് നടത്തേണ്ടതെന്നും ഗൗതം നവ്‌ലാഖ പറഞ്ഞു. ജയിലില്‍ കിടന്നു സാമൂഹിക പ്രവര്‍ത്തനം നടത്താതിരിക്കണമെങ്കില്‍ സംഘപരിവാരത്തിനെതിരേ ഇപ്പോള്‍ തന്നെ ഒരുമിച്ചുള്ള പോരാട്ടത്തിന് സാമൂഹിക പ്രവര്‍ത്തകരും മനുഷ്യാവകാശ പോരാളികളും തയ്യാറാവണമെന്ന് ചടങ്ങില്‍ സംസാരിച്ച സൗത്ത് ഏഷ്യ ഹ്യൂമന്റൈറ്റ്‌സ് ഡോക്യുമെന്റേഷന്‍ സെന്റര്‍ എക്‌സിക്യൂട്ടീവ് ഡയറക്ടര്‍ രവി നായര്‍ പറഞ്ഞു. എംപവര്‍ ഇന്ത്യ ഫൗണ്ടേഷന്‍ ചെയര്‍മാന്‍ ഇ എം അബ്ദുര്‍റഹ്മാന്‍, എന്‍സിഎച്ച്ആര്‍ഒ ഡല്‍ഹി ചാപ്റ്റര്‍ പ്രസിഡന്റ് അശോക കുമാരി, ദേശീയ സമിതി അംഗം അന്‍സാറുല്‍ ഹഖ് ഇന്‍ഡോരി, പോപുലര്‍ ഫ്രണ്ട് ദേശീയ സമിതി അംഗം എ എസ് ഇസ്മായീല്‍ എന്നിവര്‍ സംബന്ധിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss