|    Oct 20 Fri, 2017 10:30 am

മനുഷ്യാവകാശ കമ്മീഷന്‍ സിറ്റിങ് : 102 കേസുകള്‍ പരിഗണിച്ചു

Published : 18th May 2017 | Posted By: fsq

 

കോഴിക്കോട്:  മനുഷ്യാവകാശ കമീഷന്‍ ആക്ടിംഗ് ചെയര്‍പേഴ്‌സന്‍ പി മോഹനദാസ് കോഴിക്കോട് പി.ഡബ്ല്യു.ഡി റസ്റ്റ് ഹൗസില്‍ നടത്തിയ സിറ്റിംഗില്‍ 102 കേസുകള്‍ പരിഗണിച്ചു. 25 കേസുകളില്‍ ഉത്തരവായി. മൂന്ന് പുതിയ പരാതികള്‍ സ്വീകരിച്ചു. സര്‍ക്കാര്‍ ആശുപത്രികളില്‍ ഗുണനിലവാരമില്ലാത്തതെന്ന് കണ്ടെത്തിയ മരുന്നുകള്‍ വിതരണം ചെയ്‌തെന്ന പരാതി മനുഷ്യവകാശ കമീഷന്റെ അന്വേഷണ ഉദ്യോഗസ്ഥന്‍ നേരിട്ട് അന്വേഷിക്കാന്‍ കമീഷന്‍ ഉത്തരവിട്ടു. റിപ്പോര്‍ട്ട് മൂന്നു മാസത്തിനകം സമര്‍പ്പിക്കണം. കഴിഞ്ഞ മൂന്നു വര്‍ഷത്തിനിടെ ഗുണനിലവാരമില്ലെന്ന് കണ്ടെത്തിയ മരുന്നുകള്‍ വിതരണം ചെയ്തതായി രവി ഉള്ള്യേരിയാണ് പരാതി നല്‍കിയത്. മണ്ണിടിഞ്ഞ് വീടിന് കേടുപാടുകള്‍ സംഭവിച്ചതിന് മുഖ്യമന്ത്രിയുടെ ദുരിതാശ്വാസ നിധിയില്‍നിന്ന് പാസായ രണ്ട് ലക്ഷം രൂപയില്‍ 70,000 രൂപ മാത്രം വിതരണം ചെയ്തതായി വള്ളിക്കുന്ന് കുറ്റിയില്‍പറമ്പ് റിയാസിന്റെ പരാതിയില്‍, തുക അനുവദിച്ചതു സംബന്ധിച്ച് എന്തൊക്കെ നടപടി സ്വീകരിച്ചുവെന്ന് അറിയിക്കാന്‍ ജില്ലാ കലക്ടറോട് കമീഷന്‍ ഉത്തരവിട്ടു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക