|    Oct 23 Tue, 2018 10:02 pm
FLASH NEWS
Home   >  News now   >  

മനുഷ്യക്കടത്ത്: ഇന്ത്യന്‍ ദമ്പതികള്‍ക്ക് യുഎസില്‍ ഒരുവര്‍ഷം തടവ്‌

Published : 22nd March 2018 | Posted By: kasim kzm

വാഷിങ്ടണ്‍: മനുഷ്യക്കടത്ത്, തൊഴിലാളി ചൂഷണം എന്നീ കുറ്റങ്ങള്‍ ചുമത്തി ഇന്ത്യന്‍ ദമ്പതികളെ യുഎസ് കോടതി ഒരു വര്‍ഷം തടവിന് ശിക്ഷിച്ചു.
നെബ്രസ്‌കയില്‍ താമസക്കാരായ വിഷ്ണു ഭായി ചൗധരി (50), ഭാര്യ ലീലബഹന്‍ ചൗധരി (44) എന്നിവരെയാണ് കോടതി ശിക്ഷിച്ചത്. ദമ്പതികളുടെ പീഡനത്തിനിരയായ വ്യക്തിക്ക് 40,000 ഡോളര്‍ നഷ്ടപരിഹാരമായി നല്‍കാനും കോടതി വിധിച്ചു. ശിക്ഷാ കാലാവധി കഴിഞ്ഞാല്‍ ദമ്പതികളെ നാടുകടത്താനും ഉത്തരവിട്ടിട്ടുണ്ട്.
സാമ്പത്തിക നേട്ടത്തിനായി വിഷ്ണു ഭായി ചൗധരിയും ഭാര്യയും ഇന്ത്യക്കാരനായ വ്യക്തിയെ രേഖകളൊന്നും കൂടാതെ യുഎസില്‍ വീട്ടുജോലിക്കായി എത്തിക്കുകയായിരുന്നു. ഇയാള്‍ക്ക് ആഴ്ചയില്‍ അവധി അനുവദിച്ചിരുന്നില്ല.
വിശ്രമിക്കാനും അവസരം നല്‍കിയിരുന്നില്ല. കൂലിയായി നല്‍കാമെന്നു പറഞ്ഞ തുക നല്‍കിയില്ല. കൂലി ചോദിച്ചതോടെ ദമ്പതികള്‍ ജോലിക്കാരനെ വീട്ടില്‍ പൂട്ടിയിടാന്‍ തുടങ്ങി. പുറത്തിറങ്ങാനും അനുവദിച്ചില്ല. ശാരീരികമായി ഉപദ്രവിക്കാനും ആരംഭിച്ചു.
ദമ്പതികളുടെ പീഡനം സഹിക്കാന്‍ കഴിയാതെ ഇയാള്‍ അവിടെ നിന്ന് രക്ഷപ്പെട്ടു പോലിസിനെ സമീപിക്കുകയായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss